Мосламалар

Тилни танланг

Қўшимча менюга ўтиш

Мундарижага ўтиш

Асосий материалларга ўтиш

Яҳованинг Шоҳидлари

ўзбекча

Онлайн Муқаддас Китоб

МУҚАДДАС КИТОБ — ЯНГИ ДУНЁ ТАРЖИМАСИ

Филиппиликларга 1:1-30

1  Исо Масиҳнинг қуллари Павлус ва Тимўтийдан, Филиппидаги Исо Масиҳ билан бирликда бўлган барча муқаддас кишиларга ҳамда жамоат нозирлари ва хизматкорларига:  Сизларга Отамиз Худодан ва Ҳазратимиз Исо Масиҳдан иноят ва тинчлик бўлсин.  Сизларни ҳар эслаганимда, Аллоҳга шукроналар айтаман.  Ҳаммаларингиз учун доимо ёлвориб, қувонч билан илтижо қиляпман.  Чунки хушхабарни эшитган кунингиздан, то ҳозирга қадар уни ёйишда ҳиссангизни қўшиб келяпсизлар.  Худо орангизда бошлаган яхши ишни Исо Масиҳнинг кунигача якунлашига аминман.  Мен барчангиз ҳақида шундай ўйлашга ҳақлиман, чунки сизлар менинг қалбимдасиз ва мен билан биргаликда Аллоҳнинг иноятига шериксизлар. Бу, занжирбандлигимга ҳамда хушхабарни ҳимоялаш ва қонунийлаштиришга ҳам тегишлидир.  Мен сизларни Исо Масиҳдай севиб, қанчалар соғинганимга Худонинг Ўзи шоҳид.  Сизларнинг севгингиз аниқ билимда ва Худонинг иродасини тўлиқ тушунишда тобора ортиб бориши ҳақда доимо ибодат қилиб сўрайман. 10  Токи сизлар қайси нарсалар муҳимроқ эканини фарқлаб, бенуқсон бўлинглар ва Масиҳнинг кунигача бошқаларни қоқинтирманглар. 11  Қолаверса, Аллоҳга шараф ва мақтов ёғилиши учун, Исо Масиҳ орқали одиллик самараларига бой бўлинглар. 12  Биродарлар, шуни билишингизни истардимки, мен билан рўй берган ҳодисалар, аслида хушхабарнинг ёйилишига сабаб бўлди. 13  Менинг Масиҳ учун занжирбандлигим, императорнинг ҳамма соқчиларига ва бошқаларга маълум бўлди. 14  Ҳазратимизнинг хизматидаги талайгина биродарлар менинг занжирбандлигимдан ўзларини дадил ҳис этиб, Худонинг сўзини янада жасорат билан, қўрқмасдан гапиришмоқда. 15  Тўғри, айримлар Масиҳ ҳақида ҳасад ва рақобат билан ваъз қилишаётган бўлса, бироқ бошқалар яхши ният билан айтишмоқда. 16  Яхши ниятлилар, мен хушхабарни ҳимоялаш учун тайин этилганимни тан олиб, Масиҳни севги ила хабарлашмоқда. 17  Ҳасадчи ва рақобатчилар эса занжирбанд бўлган менга баттар азоб бериш мақсадида, тоза ният билан эмас, аксинча шуҳратпарастлик билан ваъз қилишмоқда. 18  Хўш, оқибатда нима бўлди? Хоҳ яхши ниятда, хоҳ ёмон ниятда бўлсин, Масиҳ хабарланмоқда ва мен бундан хурсандман. Бундан буён ҳам қувонаман. 19  Зеро биламанки, сизларнинг илтижоларингиз ва Исо Масиҳ руҳининг мадади билан мен халос бўламан. 20  Ахир ўзим буни интизор бўлиб кутяпман ва умид қиламанки, мен асло уятда қолмайман. Аксинча, тўла жасорат билан айтаманки, Масиҳ ҳар доимгидек энди ҳам, хоҳ ҳаётим, хоҳ ўлимим билан бўлсин, менинг танам орқали юксалади. 21  Мен учун ҳаёт — Масиҳдир, ўлим эса — ютуқдир. 22  Борди-ю, ҳали инсон сифатида яшашим керак бўлса, бу мен учун самарали меҳнат қилиш деганидир. Ҳар ҳолда мен нимани афзал кўришимни айтмайман. 23  Мен қайси бирини танлашни билмай турибман. Аммо озод этилиб, Масиҳ билан бирга бўлишни истайман, чунки бу янада яхшироқдир. 24  Бироқ инсон сифатида яшашим, сизлар учун кўпроқ фойда келтиради. 25  Бунга амин бўлган ҳолда, мен сизлар билан қолиб, муваффақиятингиз ва имонингизга ҳамроҳ бўлган қувончингиз учун барчангиз билан бирга бўлишимни биламан. 26  Токи кейинги сафар ҳузурингизда бўлганимда*, Исо Масиҳнинг шогирдлари сифатида эга бўлган қувончингиз мен орқали ортиб борсин. 27  Фақат Масиҳ тўғрисидаги хушхабарга муносиб равишда кун кечиринглар. Олдингизга келиб сизларни кўраманми ёки йўқми, хушхабарга бўлган ишончингиз учун елкама-елка курашиб, бир жон, бир тан* бўлиб, маҳкам турганингизни 28  ва душманларингиздан ҳеч қўрқмаётганингизни эшитайин. Ана шу уларнинг ҳалок бўлишидан, сизларнинг эса халос бўлишингиздан далолат бермоқда. Зотан бу — Худодандир. 29  Чунки сизларга нафақат Масиҳга ишониш, балки у учун азоб чекиш шарафи ато этилган. 30  Ахир сизлар мен каби курашяпсизлар. Мен илгари курашганимни кўргансизлар ва ҳозир ҳам курашаётганимни эшитяпсизлар.

Изоҳлар

Сўзма-сўз «ҳозир бўлганимда». Юнонча парусиа. Илованинг 9- мавзусига қ.
Сўзма-сўз «бир руҳ, бир жон».