Ẹkpahọnphiyọ rẹ Baibol na?

E ofori, kidie Ọghẹnẹ guọnọre nẹ ihwo ghwẹ oma koko vwọ ga ẹga. Baibol na da ta: “E gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri, e jẹn avwanre ghwẹ oma koko,” a rha hẹrhiẹ oma-a​—Hibru 10:24, 25.

Jesu djerephia nẹ idibo rọyen cha ghwẹ oma koko rọ vwọ ta kayen nẹ: “Vwẹ oma rẹ ọnana kọye ihwo ejobi vwọ riẹn nẹ ovwan ghine

idibo mẹ, ọ da dianẹ ovwan guọnọ ohwohwo.” (Jọn 13:35) Idjerhe ẹsosuọ rẹ idibo rẹ Kristi vwo dje ẹguọnọ nana phia yen ayen vwọ ghwẹ oma koko kerẹ iniọvo. Ayen cha ghwẹ oma koko vwẹ ikoko re vwoma vwọ kẹ ẹga ọkieje. (1 Kọrẹnt 16:19) Kọyen ayen cha dia iniọvo rehẹ akpọeje.​—1 Pita 2:​17.

A je Guọnọ Emu Ọfa Vrẹ a de Vwọ Vwomaba Ẹga

Dede nẹ Baibol tare nẹ ihwo ghwẹ oma koko vwẹ ẹga kẹ Ọghẹnẹ, ọ dia ọyena mudiaphiyọ nẹ ohwo da ghwa vwomaba ẹga kọyen o ru obo re vwerhen Ọghẹnẹ evu-un. Ohwo ki se ru obo re vwerhen Ọghẹnẹ evun, ọ me reyọ obo ro yono vwẹ ẹga rọ ra na vwo ruiruo vwẹ akpeyeren ọkieje. Kerẹ udje, Baibol na tare nẹ: “Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.”​—Jems 1:​27.