Pho kpẹ obo revun rọyen

Ovwan Rori nẹ Ovwan Ọvo Yen Che Sivwin rhọ?

Ovwan Rori nẹ Ovwan Ọvo Yen Che Sivwin rhọ?

Ẹjo. Iduduru rẹ ihwo ri yerin vwẹ ikpe iriorin re wanre re dia Iseri ri Jihova-a ji che vwo uphẹ rẹ usivwin. Baibol na djere fiotọ nẹ vwevunrẹ akpọ kpokpọ rẹ Ọghẹnẹ veri na, “evrẹnushi herọ vwọkẹ ihwo ọsoso te i ri jẹ ọsoso ẹdia. ” (Iruo 24:15) Vwọba, buebun rẹ ihwo ri yerẹn asaọkiephana je sa rhoma re ga Ọghẹnẹ, ayen mi ji rhi vwo usivwin. Obo rọ wanre eje, ọdiẹ owian ro te avwanre revwo brorhiẹn rẹ ohwo ro che sivwin rhọ yẹrẹ ọ ra cha ghwọrọ-ọ. Owian yena ọhẹ obọ ri Jesu ọvo.—Jọn 5:22, 27.