Pho kpẹ obo revun rọyen

2024

Ẹkarophiyọ rẹ Ughwu ri Jesu

Die Yen Izobo Rọyen se Mudiaphiyọ kẹ Wẹ?

Avwanre durhie uwe kpo irueru ivẹ ọphẹ:

  • Ota roghẹresan ro nẹ Baibol rhe “Evrẹnushi Na Che Phi Ughwu Kparobọ!”

  • Ẹkarophiyọ rẹ ughwu ri Jesu

Ẹkarophiyọ rẹ Ughwu ri Jesu

Sunday, March 24, 2024

Vwẹ obọ ọvo vwẹ ẹgbukpe, Iseri ri Jihova ruẹ ẹkarophiyọ rẹ ughwu ri Jesu kirobo ro jurhi rọyen rọ vwọ ta: “Ovwan rhe ruẹ ọnana vwọ karophiyọ ovwẹ.”​—Luk 22:⁠19.

Guọnọ asan re de che ru Ẹkarophiyọ na

OTA ROGHẸRESAN RO NẸ BAIBOL RHE

“Evrẹnushi Na​—Che Phi Ughwu Kparobọ!”

A cha ta ota na vwẹ oba rẹ udughwrẹn ọvo yẹrẹ ivẹ tavwen ẹdẹ rẹ Ẹkarophiyọ na ki te. Ọtota na che dje kpahen oborẹ evrẹnushi na se mudiaphiyọ kẹ wẹ vẹ ihwo ru wo vwo ẹguọnọ kpahen.

Enọ Redje Ẹnẹnọ

Bro ọke yen ọrhuẹrẹphiyotọ na cha reyọ?

Ọ cha reyọ omarẹ unọke ọvo.

Tivọ yen e de che ruo?

Nọ miẹ Oseri ri Jihova ru wo vugheri.

A cha hwa osa vwọ ruọ?

Ẹjo.

E che miẹ ohwo arhọghọ vwẹ etiyin?

Ẹjo. Iseri ri Jihova mie ihwo arhọghọ vwẹ emẹvwa raye-en.

O vwo oka rẹ ewun ra rhuẹrẹphiyọ nẹ e kuphiyọ vwẹ ẹdẹ yena?

Dede nẹ o vwo oka rẹ ewun ra rhuẹrẹphiyọ vwọ kẹ irueru na-a, jẹ Iseri ri Jihova davwẹngba vwọ yan nene uchebro ri Baibol na rọ tare nẹ a sẹ osẹnvwe rẹ abavo ro ji brọghọ phiyọ ohwo ro kuro phiyọ na oma. (1 Timoti 2:⁠9) O dia ewun rọ ghanre yẹrẹ okpo osẹnvwe yen e kuphiyọ-ọ.

Die yen cha phia vwẹ Ẹkarophiyọ na?

A cha vwẹ une vwọ tuẹn omẹvwa na phiyọ ji vwo kuophiyọ. Oseri ri Jihova ọvo ro tedje me rha nẹrhovwo. Ota ro nẹ Baibol na rhe ra cha ta vwẹ ẹdẹ yena che dje kpahen ọghanrovwẹ rẹ ughwu ri Jesu vẹ obo ra sa vwọ mrẹ erere nẹ oborẹ Ọghẹnẹ kugbe Kristi ru kẹ avwanre.

Ẹdẹ vọ yen e che vwo ru Ẹkarophiyọ efa vwẹ obaro na?

2024: Sunday, March 24

2025: Saturday, April 12

2026: Thursday, April 2

Wọ da guọnọ evuẹ efa, gbe ni ividio nana.

Karophiyọ Ughwu rẹ Jesu

Mrẹ ọdjẹkoko rẹ akpọ oyoyovwin rẹ uphẹn rọyen rhiephiyọ kẹ avwanre vwẹ obaro na fikirẹ ughwu ri Jesu.

Diesorọ Jesu Vwo Ghwu?

Ọkiọvo wo nyoro jovwore nẹ o ghwuru fikirẹ imwemwu rẹ avwanre. Ẹkẹvuọvo, kẹ izobo rẹ ohwo ọvo se ghini fierere kẹ oduduru rẹ ihwo buebun?

Danlodu rẹ ọ ra sa teyenphia rẹ edurhie nana.