Pho kpẹ obo revun rọyen

Pho kpẹ mẹnu rivẹ

Iseri ri Jihova

Urhobo

Ovwan Vwo Imwẹro kpahen Jesu?

Ovwan Vwo Imwẹro kpahen Jesu?

E. Avwanre vwo imwẹro kpahen Jesu, rọ tare nẹ: “Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.” (Jọn 14:6) Avwanre vwo esegbuyota nẹ Jesu nẹ odjuvwu rhiẹ akpọ na, ọ da je vwẹ arhọ ọgbagba rọyen vwọ kpahotọ kerẹ izobo rẹ ọtanhirhe. (Matiu 20:28) Ughwu vẹ evrẹnushi rọyen da nẹrhẹ uphẹn rẹ arhọ ri bẹdẹ rhe dia vwọkẹ ihwo ri vwo esegbuyota kpahọn. (Jọn 3:16) Avwanre ji vwo imwẹro nẹ Jesu suẹn asaọkiephana kerẹ Ovie rẹ Uvie r’Ọghẹnẹ rọhẹ odjuvwu, rọ cha hwarhiẹ ufuoma vwọ rhiẹ otọrakpọ na ejobi kẹrẹkpẹ. (Ẹvwọphia 11:15) Ẹkẹvuọvo, avwanre se ota ri Jesu gbuyota rọvwọ ta nẹ: “Ọsẹ na rhonọ ovwẹ.” (Jọn 14:28) Ọtiọyen na, avwanre reyọ ẹga vwọkẹ Jesu-u, keridie avwanre vwo imwẹro nẹ ọ dia ọyen yẹn Ọghẹnẹ rome vwẹgba na-a.