Pho kpẹ obo revun rọyen

Iseri ri Jihova

Sane ejajẹ Urhobo

Ovwan Kẹnoma kẹ Ihwo Ri ke Kpẹ Ẹga Rovwan Jovwo?

Ovwan Kẹnoma kẹ Ihwo Ri ke Kpẹ Ẹga Rovwan Jovwo?

Iseri ri Jihova ri bromaphiyame nure da dobọ rẹ aghwoghwo ji, yerẹ ọ da tobọ dianẹ ayen rha vwomaba avwanre-e, avwanre kẹnoma kẹ ayẹ-en. Vwọrẹ uyota, avwanre tobọ bru ayen ra rere avwanre rhoma ruẹ ọdavwẹ rẹwen rayen ganphiyọ.

Ọ diẹ takpenẹ ohwo ghwe ru umwemwu ọgangan vwẹ ukoko ravwanre kẹ a djẹ-ẹ. Ekẹvuọvo, ọ da dianẹ oseri ro bromaphiyame nure, de vwo ẹkuruemu rovwo jẹ urhi ri Baibol na ẹyọnrọn, jẹ ọ rhọnvwe kurhẹriẹ-ẹ ka kẹnoma kẹ yẹrẹ djẹ nẹ ukoko na. Baibol na tarọ phephẹn nẹ: “Djẹ ohwo umwemwu na nẹ ohri rẹ ovwan.”—1 Kọrẹnt 5:13.

Ọ da dianẹ a djẹ ọshare nẹ ukoko jẹ aye vẹ emọ rọyen jẹ Iseri ri JIhova vwo? Oyerinkugbe rẹga rọ vẹ orua rọyen vwori jovwo ko wene, ẹkẹvuọvo oyerinkugbe rọ gbẹ ayen kugbe kerẹ orua je herọ. Oyerinkugbe rẹ orọnvwe na vẹ ẹguọnọ kugbe irueru rọhẹ evunrẹ orua ọje herọ.

Ihwo ra djẹ nẹ ukoko na sa rhe emẹvwa ravwanre. Ayen da guọnọ, ayen sa mrẹ uchebro rẹwẹn nobọ rẹ ekpako rukoko rhe. Ọdavwẹ rọ nana ọyẹn ravwọ vwẹ ukẹcha kẹ ohwo vuọvo vwọ rhoma muwan vwọ diẹ ọvo usun ri Iseri ri Jihova. Ihwo ra djẹ nẹ ukoko re siẹn uruemu ọbrabra, ayen de ji dje uviowevwen rẹ ayen vwọ reyẹ irhi ri Baibol vwo yerin, erhiabọ dede ayen vwọ rhiẹ ukoko na.