E. Avwanre Inene-ri-Kristi fikirẹ iroro nana:

  • Avwanre davwẹngba vwo nene iyono kugbe uruemu ri Jesu Kristi kpẹkpẹkpẹ —1 Pita 2:21.

  • Avwanre vwo imwẹro nẹ Jesu yen vwo ọgangan rẹ usivwin, ọtiọyen na, “odẹ ọfa rha hẹ otọ re odjuvwu re mu kẹ ihwo ro se sivwin avwanre-e.”—Iruo 4:12.

  • Ihwo da rhe diẹ Iseri ri Jihova, ke bru ayen phiyẹ ame vwẹ odẹ ri Jesu.—Matiu 28:18, 19.

  • Avwanre vwẹ odẹ ri Jesu nẹrhovwo.—Jọn 15:16.

  • Avwanre vwo imwẹro nẹ Jesu yẹn ọgbuyovwin yẹrẹ ọ revwo mu nẹ o suẹn kọshare kọshare.—1 kọrent 11:3.

Ẹkẹvuọvo, vwẹ idjerhe buebun, avwanre fẹnẹ ẹko rẹga ichekọ re ji se Inene-ri-Kristi. Kẹrẹ udje, avwanre vwo imwẹro nẹ Baibol na yonori nẹ Jesu ọmọ r’Ọghẹnẹ na, ọ diẹ ẹbẹre ọvo rẹ eghẹnẹ erha ri kuomakugbe dia ọvo-o. (Mak 12:29) Avwanre vwẹ imwẹro kpahen erhi ro je ghwo-o, asan vuọvo je ta vwẹ ọbe ọfuanfon na nẹ Ọghẹnẹ vwẹ oja riẹ ihwo vwẹ erhanre ri bẹdẹ-ẹ, yẹrẹ nẹ ihwo re vwẹrote iruo rẹga vwo edova re kpare ayen kpenu vwọ vrẹ ihwoefa-a.—Aghwoghwo 9:5; Izikiẹl 18:4; Matiu 23:8-10.