Iseri ri Jihova vwo ọrhuẹrẹphiyotọ revwo yono Baibol, rọ nẹrhẹ ayen kpahen phiyọ enọ buebun, kerẹ:

  • Ono yẹn Ọghẹnẹ?

  • Ọghẹnẹ ghine davwerhọn wẹn?

  • Mavọ mi se vwo ru orọnvwe mẹ yovwinphiyọ?

  • Mavọ mi sa vwọ mrẹ omavwerhovwẹ vwẹ akpeyeren?

Vwẹ obotọ na, wọ cha mrẹ ẹkpahọnphiyọ rẹ eno rẹ a nọ phẹphẹre kpahen ọrhuẹrẹphiyotọ rẹ uyono ri Baibol ravwanre.

Mavọ yẹn e ruẹ uyono ri Baibol na wan? Avwanre reyẹ iyovwinreta kerẹ “Ọghẹnẹ” yẹrẹ “orọnvwe”, avwanre ke fuẹrẹn owọ ri Baibol sansan ri shekpahen uyovwinrota yena. Womarẹ ravwọ reyọ ayen vwo vwanvwan ohwohwo, avwanre ke sa mrẹ obo ri Baibol na eje ta kpahen uyovwinrota yena, vwẹ idjerhe nana, avwanre ke nẹrhẹ Baibol na kpahan phiyẹ enọ na.

Rere avwanre sa vwọ mrẹ ukẹcha revwo yono Baibol na,avwanre reyẹ ọbe What Does the Bible Really Teach? vwo ruiruo. Ọbe nana nabọ dje phephẹn obo ri Baibol na ghine ta kpahen Ọghẹnẹ, Jesu, vẹ obaro rẹ akpeyeren ravwanre kugbe uyovwinreta efa.

Bro yẹn a hwa phiyẹ uyono ri Baibol na? Uyono ri Baibol na ọphẹ, jẹ wo se toro itetoro ro nẹ ẹwẹn wẹn rhe phiyọ ẹbe revwo yono Baibol na.

Mavọ yẹn uyono ri Baibol na gron te? Buebun rihwo vwẹ omarẹ unọke ọvo vwọ kpahotọ kudughwrẹn kudughwrẹn vwo nene avwanre yono Baibol na kuẹgbe. Ẹkẹvuọvo, ọke rẹ uyono na gron te se wene. Avwanre che ruo nene ọrhuẹrẹphiyotọ wẹn.

Die yen cha phia siẹrẹ me da nokpẹn rẹ uyono ri Baibol? Siẹrẹ wọ da nokpẹn rẹ uyono ri Baibol, Oseri ri Jihova ọvo che bru we rhe vwẹ ọke vẹ asan ro shephiyọ kẹ wẹ. Ọ cha reyẹ ibrẹro krẹn vwo dje obo rẹ avwanre ruẹ uyono ri Baibol ravwanre kẹ wẹ. Siẹrẹ o de je we, wo se ruo kpobaro phiyọ.

Siẹrẹ me da rhọvwen nẹ e rhi yono uvwe, ọyena cha nẹrhẹ ovwẹ dia ọvo rẹ Iseri ri Jihova? Ẹjo. Iseri ri Jihova vwo omavwerhovwẹn rẹ ayen vwo yono ihwo Baibol na, ẹkẹvuọvọ avwanre gba ihwo nẹ ayen rhe vwomaba ẹga ravwanre-e. Ukperẹ ọtiọyen, avwanre dje obo ri Baibol na tare vẹ ọghọ, rẹ avwanre vwọ riẹn nẹ ohwo ọvuọvo vwo ẹgba rọvwọ jojẹ rẹ oborẹ ọ guọnọ segbuyota.—1 Pita 3:15.