Arhọ ọyen ọke rọ ghanre. Oborẹ avwanre reyerọ vwo ruiruo kẹdẹ kẹdẹ yen che djephia sẹ avwanre niro ghanghanre. Iseri rẹ Jihova vwẹ okẹ vẹ ẹgba rayen vwo bru ọghọ phiyọ Jihova rọ dia Ohwo ro vwo arhọ oma, ayen ji jiro. (Une 36:9; Ẹvwọ. 4:11) Dedena, ẹnwan rẹ akpeyeren rẹ kẹdẹ kẹdẹ sa nẹrhẹ e bi ẹga rẹ Jihova phiyọ okọkọ. (Mak 4:18, 19) Ohwo ọvuọvo nọ oma rọyen: ‘Mi ghini kẹ Jihova obo ri me yovwin vwẹ akpeyeren mẹ? (Hos. 14:2) Mavọ yen iruo mẹ djobọte ẹga rẹ Jihova? Die yen ẹkẹn ri mi bru kẹ oma vwẹ ẹga rẹ Jihova? Mavọ mi se vwo ru iruo rẹ aghwoghwo mẹ hẹrephiyọ?’ Wọ da mrẹ ẹdia ro fori nẹ wọ wian kpahen, nẹrhovwo rhe Jihova rere ọ kẹ wẹ ukẹcha wọ vwọ wian kpahọn. Aphro herọ-ọ, re vwo jiri Jihova kẹdẹ kẹdẹ nẹrhẹ e yeren omamọ rẹ akpọ, ọ je kẹ ohwo omavwerhovwẹn!​—Une 61:8.

Ono wọ vwẹ okẹ wẹn vwọ kẹ?

NI IVIDIO RẸ REYỌ OKẸ WẸN VWỌ GA JIHOVA, RERE WỌ KPAHENPHIYỌ ENỌ NANA:

  • Diesorọ ọ vwọ dia emu rẹ ẹkpa a vwọ ghwọrọ okẹ avwanre vwẹ akpọ rẹ Eshu nana? (1 Jọn 2:17)

  • Ebruphiyọ vọ yen te ihwo re vwẹ obo ri me yovwin vwẹ akpeyeren rayen vwọ kẹ Jihova?

  • Ẹdia vọ vwevunrẹ ukoko na yen wọ da sa vwomakpahotọ vwọ vwẹ okẹ vẹ ẹgba wẹn vwo ruiruo?