E se roro nẹ eghene yen a cha dia bẹdẹ, nẹ e che rhiẹromrẹ “ẹdẹ umwemwu” rọ vwomaphia vwẹ ọke rẹ ọghwo vwẹ akpọ rẹ Eshu na-a. (Aghwo. 12:1) Wọ da dia eghene, wo roro nẹ ikpe buebun ji chekọ wo vwo vwobọ vwẹ iruo rẹ ẹga rẹ ọkieje?

“Ọke vẹ uphe ro di bru” avwanre eje, ji te ighene na. (Aghwo. 9:11) Wọ “riẹn obo re cha phia vwẹ odẹ rọ cha na-a.” (Jems 4:14) Ọtiọyena, wọ ghwa dobọ rẹ ẹvwọtua rẹ ekuakua rẹ ẹwẹn jẹ fikirẹ erọnvwọn ri fiemu-u. Wan “ẹchẹ ọhẹhẹre rẹ iruo” ọke nana ro ji vwo rhiephiyọ na. (1 Kọr. 16:9) Wọ cha viẹ diekpọvwẹ-ẹ.

Ẹkẹn evo re se bru kẹ oma vwẹ ẹga rẹ Jihova:

  • Ra vwọ vwẹ ejajẹ ọfa ghwoghwo

  • Iruo rẹ ọkobaro

  • Re vwo kpo isikuru rukoko na

  • Iruo rẹ ebabọn

  • Ẹga vwẹ Bẹtẹl

  • Iruo rẹ okinriariẹ

Si ẹkẹn wo bru kẹ oma wẹn phiyotọ.