Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 EFE RỌHẸ OTA RẸ ỌGHẸNẸ | MAK 9-10

Emramrẹ rọ Bọn Esegbuyota Gan

Emramrẹ rọ Bọn Esegbuyota Gan

9:1-7

Vwẹ ẹwẹn roro oborẹ oma vwerhen Jesu te ọke ro vwo wene oma, ro vwo nyo urhuru rẹ Ọsẹ rọyen rọhẹ odjuvwu rọ tare nẹ ọna Ọmọ mẹ. Aphro herọ-ọ, ọnana muegbe rẹ Jesu hẹrhẹ oja rọ cha re vwẹ obaro na. Emramrẹ nana ji djobọte Pita, Jems kugbe Jọn mamọ. Emramrẹ na nẹrhẹ ayen riẹn nẹ Jesu yen Mesaya na, ayen riẹn ru rẹ ayen vwọ kerhọ kẹ. Omarẹ ẹgbukpe 32 vwọ wan nu, Pita je karophiyọ obo ro rhiẹromrẹ na vẹ obo rọ nẹrhẹ esegbuyota rọyen ganphiyọ kpahen “ota rẹ aroẹmrẹ na.”​—2 Pita 1:16-19.

Dede nẹ avwanre mrẹ emramrẹ na-a, jẹ avwanre rhiẹromrẹ orugba rọyen. Jesu suẹn kerẹ Ovie enẹna. Chekemerha, ko che phi “kparobọ,” akpọ kpokpọ rẹ ọvwata kọ cha rhe.​—Ẹvwọ. 6:2.

Idjerhe vọ yen aroẹmrẹ rẹ Baibol ri ruẹgba nonẹna vwo ru esegbuyota wẹn ganphiyọ?