Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Ru Ona Rẹ Aghwoghwo Wẹn Yovwin Phiyọ—E Vwo Si Ileta

Ru Ona Rẹ Aghwoghwo Wẹn Yovwin Phiyọ—E Vwo Si Ileta

OBORESORỌ Ọ VWỌ GHANRE: Ọbe rẹ 1 Kọrẹnt, ọyen ọvo usun rẹ ileta 14 rẹ ọyinkọn Pọl siri vwo phiuduphiyọ Inenikristi awọ. Ohwo de si ileta, ọ nabọ ghwọrọ ọke vwọ sanẹ eta ro che si. Ohwo ro si ileta na rhe na, ji se se abọ buebun. Ileta ọyen idjerhe ọvo re se vwo se oseri kẹ ihwo rẹ orua vẹ igbeyan. A je sa vwẹ ileta vwo ghwoghwota kẹ ihwo ra mrẹ ta ota kẹ-ẹ. Kerẹ udje, ọ sa dianẹ ohwo dje omavwerhovwẹn phia, ẹkẹvuọvo, ọ pha bẹnbẹn ra vwọ mrẹ vwẹ uwevwin. Ọ sa bẹn re vwo ghwoghwota kẹ ihwo evo vwẹ ekogho rẹ avwanre de ghwoghwo, kidie ayen dia asan ra rhẹrẹ, asan ra gbogba riariẹ, yẹrẹ asan ro siuvun. Die yen erọnvwọn evo ro fori nẹ eroro kpahen, ma rho e de si ileta rhe ohwo re vugheri-i?

OBO RE CHE RUO WAN:

  • Si obo wọ rha ta, ọ da dianẹ wọ mrẹ ohwo na. Dje oma wẹn vwẹ ọtonphiyọ rẹ ileta na, rere wọ je ta phephẹn oboresorọ wo vwo si ileta na. Wọ sa nọ onọ ro roro kpahen, wo ji dje wẹbsaiti avwanre kẹ. Wọ je vuẹ kpahen Uyono rẹ Baibol Rọhẹ Intanẹti, yẹrẹ kpahen uyono rẹ Baibol avwanre vẹ ihwo ruẹ, yẹrẹ wo se djunute iyovwinreta evo rehẹ evunrẹ ẹbe avwanre vwo yono ihwo. Wọ sa reyọ ẹmẹbe kerẹ ikadi re se vwo kpo jw.org, ẹbe rẹ edurhie, yẹrẹ itrati vwọba ileta na

  • Wo jẹ ileta na gron nọ-ọ. Kidie ileta na de gron nọ, ofu se dje ohwo na ro vwo se re.—Ni ileta rẹ udje

  • Nabọ rhoma fuẹnrẹn vwọ kẹ eta wo si chọ, wọ me je mrẹvughe nẹ eta na họhọ eta ra ta kẹ ugbeyan, re je vwerhen ese