Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Vwẹ Ukẹcha kẹ Orua Wẹn Vwọ Karophiyọ Jihova

Vwẹ Ukẹcha kẹ Orua Wẹn Vwọ Karophiyọ Jihova

A vwẹ owian kẹ Jerimaya nẹ o si ihwo rẹ Ju orhọ kpahen oghwọrọ rọ cha obaro kidie ayen kpairoro vrẹ Jihova, Ọghẹnẹ rayen. (Jer. 13:25) Mavọ yen ẹgborho na wo shephiyọ ẹdia ọbrabra nana? Erua rẹ ihwo rẹ Izrẹl kpare oyerinkugbe rayen vẹ ọ rẹ Jihova kufia. Igbuyovwin rẹ orua rẹ ihwo rẹ Izrẹl yan nene odjekẹ rẹ Jihova-a re si phiyọ Urhi Rivẹ 6:5-7.

Erua ri muomaphiyọ ẹga rẹ Jihova nẹrhẹ ikoko rẹ avwanre nonẹna nabọ gan. Igbuyovwin rẹ orua sa vwẹ ukẹcha kẹ erua rayen vwọ karophiyọ Jihova womarẹ Ẹga Orua rẹ kọke kọke rọ nabọ muotọ. (Une Rẹ Ejiro 22:27) E de ni ividio na Eta Nana . . . Me Dia Evunrẹ Ubiudu Wẹn”—Ẹriẹnmie rẹ Orua nu, gba kpahenphiyọ enọ nana:

  • Mavọ yen erua evo se vwo phi egbabọse ra mrẹ vwẹ ẹga orua kparobọ?

  • Die yen evo usun rẹ erere ra mrẹ siẹrẹ e de vwo omamọ rẹ Ẹga Orua rẹ kọke kọke?

  • Egbabọse rẹ ẹga orua vọ yen mi vwori, mavọ yen mi se vwo phi ayen kparobọ?