Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Kerhọ rẹ Ọghẹnẹ​—Obo ra Reyọ Vwo Ruiruo

Kerhọ rẹ Ọghẹnẹ​—Obo ra Reyọ Vwo Ruiruo

A rhuẹrẹ ibroshọ rẹ Kerhọ rẹ Ọghẹnẹ na rere a reyọ ihoho rehẹ evun rọyen vwo yono ihwo re ghwa riẹn se-e iyono rẹsosuọ rẹ Baibol na. Uyono ọvuọvo rọ reyọ aruẹbe ivẹ na vwo ihoho kugbe oka ro dje obo ra cha reyọ ihoho na vwo yono ohwo wan.

Ihoho rehẹ ibroshọ rẹ Kerhọ rẹ Ọghẹnẹ Rere Wọ Dia Bẹdẹ na eyen jehẹ ibroshọ rẹ Kerhọ rẹ Ọghẹnẹ na, ẹkẹvuọvo, o vwo eta buebun, ihwo re riẹn se emerha yen a sa reyọ vwo yono. Kerhọ rẹ Ọghẹnẹ Rere Wọ Dia Bẹdẹ na yen ighwoghwota yọnran ọke rẹ ayen da reyọ Kerhọ rẹ Ọghẹnẹ vwo yono ohwo. Aruẹbe buebun vwo ekpeti ri vwo evuẹ efa ra je sa ta ota kpahen, ẹkẹvuọvo, ẹgba rẹ ohwo re yono na yen e che ni vwo ru ọnana.

Wo se phi ọvo usun rẹ ibroshọ ivẹ na phiyọ ada ọke ro je we, ọ da tobọ dianẹ ọ dia ibroshọ na yen e phiẹ phiyọ ada vwẹ emeranvwe yena-a. Wo de ru uyono rẹ Baibol, reyọ ihoho na vwo dje ikuegbe rehẹ Baibol na fiotọ. Nọ enọ rere ohwo ru wo yono na se vwo vwo obọ vwẹ uyono na, ji vwo imuẹro nẹ o vwo ẹruọ rọyen. Se, wọ je ta ota kpahen ẹkpo rẹ Baibol rehẹ obotọ rẹ aruọbe ọvuọvo. Wo de yono ohwo na ibroshọ na re nu, gbe yono What Does the Bible Really Teach? yẹrẹ Die Yen Baibol na Se Yono Avwanre? rere ọ sa vwọ yan kpobaro te omaebrophiyame.