Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Ọbe Uyono rẹ Akpeyeren Avwanre vẹ Iruo Ruvie Na  |  June 2017

 EFE RỌHẸ OTA RẸ ỌGHẸNẸ | JERIMAYA 51-52

Ota rẹ Jihova Ejobi Rugba

Ota rẹ Jihova Ejobi Rugba

Jihova mraro rẹ obo re cha phia vwẹ obaro na phiyotọ gbagba

Ọsedada rẹ Pẹsha rọ rhẹrẹ ọguan rẹ ovie

“Nọ edada na”

51:11, 28

  • Ihwo rẹ Mid vẹ Pẹsha nabọ ton ona rẹ edada ẹsa, umurhabọ yen orọnvwọn kiriguo rẹ ayen vwo phi ofovwin. Ayen nabọ nọ umurhabọ rayen rere o se vwo duvwun fi

“Egba rẹ ofovwi ri Babilọn fue ohọnre re”

51:30

  • Isiesi rẹ Nabonidus tare nẹ: “Ituofovwin rẹ Sairọs ro Babilọn ababọ rẹ ofovwin.” Ọnana rhọnvwephiyọ aroẹmrẹ rẹ Jerimaya

Isiesi rẹ Nabonidus

“Babilọn ko che hirhe phihọ ẹko rẹ erhurhu [kọ dia] ofefe bẹdẹ”

51:37, 62

  • Vwẹ ọtonphiyọ rẹ 539 B.C.E., Babilọn rhe titi kerẹ obo rẹ Jovwo-o. Alẹkzanda Rode vwo ẹwẹn rọ vwọ vwẹ ẹkuotọ rẹ Babilọn vwo ru esiri rẹ usuon rọyen, ẹkẹvuọvo, o de ghwu kpregede. Vwẹ ọtonphiyọ rẹ ọke rẹ Inenikristi, ihwo rẹ Ju evo je dia etiyin, kọyensorọ ọyinkọn Pita vwo kpo Babilọn. Jẹ, vwẹ omarẹ ẹgbukpe ujorin ẹne rẹ ọke rẹ avwanre na, orere na ghwọrọ re, ọ rha herọ enẹ na-a

Mavọ yen orugba rẹ aroẹmrẹ rẹ Baibol na djobọte vwe wan?

 

Die yen mi se yono ihwo efa kpahen aroẹmrẹ nana?