9:62

Ohwo ro voro ivoro cha sa nẹrhẹ erọnvwọn rehẹ obuko mu ẹwẹn rọyen reyọ-ọ, siẹrẹ ọ da guọnọ nẹ urhiẹn ro voro na dia phiọnphiọn. Vwẹ idjerhe vuọvo na, Onenikristi cha sa nẹrhẹ nẹ erọnvwọn rọ yan jovwo vwevunrẹ akpọ na mu ẹwẹn rọyen reyọ-ọ.​—Fil. 3:13.

Ọke rẹ avwanre de hirharoku ebẹnbẹn, ọ pha lọlọhọ a vwọ karophiyọ ọke rẹ ‘avwanre vwọ riakpọ,’ jẹ ọkiọvo avwanre ji rhi kurhẹriẹ ọke yena-a. Avwanre de ru ọtiọyen, avwanre se roro omavwerhovwẹn na gegerege yanjẹ ebẹnbẹn ra mrẹre vwẹ ọke yena vwo. Ọyena yen oborẹ ihwo rẹ Izrẹl ruru ayen vwo vrẹ nẹ Ijipt nu. (Ukeri 11:5, 6) Siẹrẹ avwanre de muomaphiyọ iroro tiọyena, ọ sa nẹrhẹ avwanre rhivwin kpo oka rẹ akpeyeren ri jovwo. Ukpe re vwo ru ọyena, ofori nẹ avwanre rhe roro kpahen ebruphiyọ ra mrẹ enẹna, je tẹnrovi aghọghọ ra cha mrẹ vwẹ Uvie na!​—2 Kọr. 4:16-18.