Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

Iseri ri Jihova

Sane ejajẹ Urhobo

Aghwoghwo rẹ nẹ uwevwin kpo uwevwin vwẹ Italy

ỌBE UYONO RẸ AKPEYEREN AVWANRE VẸ IRUO RUVIE NA July 2017

Ona re se Vwo Phi Ayen Phiyọ Ada

Ona re se vwo phi Uwevwin Orhẹrẹ na phiyọ ada kugbe re vwo yono uyota ro shekpahen ojaẹriọ. Reyọ idje na vwo si ona romobọ wẹn.

EFE RỌHẸ OTA RẸ ỌGHẸNẸ

Wo Vwo Ẹwẹn rẹ Akpọ Na?

Idjerhe vọ yen ubiudu na vwo churobọ si orhiẹn ebro rẹ avwanre kpahen erọnvwọn ra vwọ diotọ yẹrẹ irhuon vẹ osẹnvwe? Die yen o mudiaphiyọ re vwo vwo ubiudu rẹ akpọ na?

EFE RỌHẸ OTA RẸ ỌGHẸNẸ

Wo Ruẹ Nene Ive Wẹn?

Die yen avwanre yono mie Ovie Zẹdekaya fikirẹ obo ri nẹ obuko rẹ ive rọyen ro ru nene-e?

EFE RỌHẸ OTA RẸ ỌGHẸNẸ

Jihova de Vwo Ghovwo nu, Ọ je Karophiyọ?

Idje rẹ Baibol vọ yen djerephia nẹ Jihova vwo ghovwo? Mavọ yen idjerhe rẹ Jihova vwo nene Devid, Manasse, vẹ Pita yerin, vwọ nẹrhẹ avwanre vwẹroso evwoghovwo rẹ Jihova?

AKPEYEREN RẸ INENIKRISTI

Wo Vwo Ghovwo Oma Wẹn?

Ọ sa bẹn a vwọ kpairoro vrẹn imwemwu rẹ avwanre ru wanre, ọ da tobọ dianẹ Jihova Ọghẹnẹ vwo ghovwo avwanre nure. Die yen sa chọn avwanre uko?

EFE RỌHẸ OTA RẸ ỌGHẸNẸ

Ohwo ro Vwo Uturhi na Yen a Cha Vwẹ Erhu Uvie na Tughe

Mavọ yen aroẹmrẹ rẹ Izikiẹl ro shekpahen ovie ro vwo uturhi rẹ usuon vwo rugba vwẹ oma rẹ Jesu? Die yen ọnana yono avwanre kpahen Jihova?

AKPEYEREN RẸ INENIKRISTI

Iruemu ri Fori nẹ e Djephia Vwẹ Anurhoro

Avwanre da hẹ anurhoro, ọkiọvo avwanre riẹ-ẹn sẹ ọrovwuwevwin na ni yẹrẹ kerhọ rẹ avwanre-e. Mavọ yen avwanre se vwo dje omamọ uruemu phia?

EFE RỌHẸ OTA RẸ ỌGHẸNẸ

Aroẹmrẹ Kpahen Taya Nẹrhẹ Ẹroẹvwọsuọ rẹ Avwanre Kpahen Ota rẹ Jihova Ganphiyọ

Aroẹmrẹ rẹ Izikiẹl kpahen oghwọrọ rẹ Taya nabọ rugba.