Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Wọ Mrẹ Erere Siẹrẹ Wọ da Fuẹrẹn Isiesi Ọfuanfon na Kẹdẹ Kẹdẹ?

Wọ Mrẹ Erere Siẹrẹ Wọ da Fuẹrẹn Isiesi Ọfuanfon na Kẹdẹ Kẹdẹ?

Wo se vwo sikẹre Jihova, wo se Baibol na vẹ oborẹ ukoko ta kpahọn womarẹ Fuẹrẹn Isiesi Ọfuanfon na Kẹdẹ Kẹdẹ? Ọ da dia ẹjo, wọ sa davwẹngba vwo ru ọtiọyen? Ẹdegburhiọke yen ihwo buebun vwo se erayen rere ayen se vwo roro kpahọn ọke rẹ ayen de ruiruo rayen vwẹ ẹdẹ yena. (Jos. 1:8; Une 119:97) Mavọ yen wọ sa vwọ mrẹ erere vọnvọn vwo nẹ ekpo ri Baibol re mu isese na kpahen? Se ẹkpo re riariẹ asan na phiyọ vwẹ Baibol na rere wo se vwo vwo ẹruọ rẹ ikuegbe na fiotọ. Roro kpahen ikuegbe ri Baibol ọvo ro dje kpahen uyono ra vwọphia vwevunrẹ isese na. Wo de ru ọyena nu, gba reyọ obo wo yonori na vwo ruiruo vwẹ akpeyeren wẹn. Ota rẹ Ọghẹnẹ de djobọte orhiẹn-ebro wẹn, ko che sun akpeyeren wẹn, ku wọ je cha mrẹ erere vwo norhe.—Une 119:105.

Erua ri Bẹtẹl rehẹ akpọneje Fuẹrẹn Isiesi Ọfuanfon Kẹdẹ Kẹdẹ vwẹ urhiọke. Vwẹ ikpe evo rhire na, e phiẹ buebun rẹ eta ra vwọphia vwẹ ẹga re urhiọke na phiyọ JW Broadcasting® vwẹ ẹbẹre rẹ IRUERU. Ọke vọ yen wo vwo ni ọvo usun rẹ e ra vwọphia na kuko? Ọkiọvo, evo rayen ghwa obo wọ guọnọre dẹn. Kerẹ udje, mavọ yen ikuegbe ri Lot se vwo djobọte orhiẹn ru wo brẹ?

NI IVIDIO NA OVWAN GUỌNỌ AKPỌ NA-A (1 JỌN 2:15), RERE WỌ KPAHENPHIYỌ ENỌ NANA:

  • Uchebro ri Baibol vọ yen e mu ẹga rẹ urhiọke nana kpahen?

  • Idjerhe vọ yen ikuegbe ri Lot vwọ nẹrhẹ a riẹn imuoshọ ra vwọ guọnọ akpọ na yẹrẹ obo rehẹ evun rọyen?—Jẹn. 13:12; 14:12; 19:3, 12, 13, 24-26

  • Mavọ yen avwanre se vwo djephia nẹ Jihova yen avwanre vwo ẹguọnọ kpahen, ọ dia akpọ na yẹrẹ obo rehẹ evunrẹ rọye-en?

Mavọ mi se vwo djephia nẹ mi ni Ota ri Jihova ghanghanre vwẹ ọsoso ẹdẹ na?