Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Oborẹ Ihwo re Rọvwọnre se Vwo Ru Orọnvwe Rayen Gan

Oborẹ Ihwo re Rọvwọnre se Vwo Ru Orọnvwe Rayen Gan

Ebraham vẹ Sera ghini omamọ rẹ udje vwọ kẹ ihwo re rọvwọnre ri vwo ẹguọnọ ji muọghọ kẹ ohwohwo. (Jẹn. 12:11-13; 1 Pita 3:6) Dedena, ebẹnbẹn kanre orọnvwe raye-en, ayen chirakon rẹ ohwohwo. Die yen ihwo re rọvwọnre se yono vwo nẹ udje rẹ Ebraham vẹ Sera?

Ovwan ta ota kẹ ohwohwo. Ọshare yẹrẹ aye wẹn da ta ota gbaegbae fikirẹ ofudjevwe, wọ me vwomakpotọ vwọ kpahen kẹ. (Jẹn. 16:5, 6) Ovwan ghwọrọ ọke kugbe. Dje ẹguọnọ kẹ ọrivẹ wẹn womarẹ eta vẹ uruemu wẹn. Ma rho, ovwan phi Jihova phiyọ orọnvwe rẹ ovwan; ru uyono kugbe, nẹrhovwo kugbe, ji ga Jihova kugbe. (Aghwo. 4:12) Orọnvwe rọ nabọ gan brọghọphiyọ Jihova oma, rọ dia Ohwo rọ ton ọrhuẹrẹphiyotọ rẹ orọnvwe phiyọ.

NI IVIDIO NA BỌN OYERINKUGBE RẸ ORNVWE WẸN GAN, RERE WỌ KPAHENPHIYỌ ENỌ NANA:

  • Vwevunrẹ ividio na, eka vọ yen djerephia nẹ oyerinkugbe rẹ Shaan vẹ Kiara doghori?

  • Diesorọ ọ vwọ ghanre re vwo rhievun ta ota kẹ ohwohwo vwevunrẹ orọnvwe?

  • Mavọ yen udje rẹ Ebraham vẹ Sera vwọ chọn Shaan vẹ Kiara uko?

  • Owọẹjẹ vọ yen Shaan vẹ Kiara jẹre vwọ ru orọnvwe rayen gan?

  • Diesorọ ihwo re rọvwọnre vwo jẹ eroro nẹ ọrivẹ rayen cha dia gbagba?

Wo se ru orọnvwe wẹn gan!