OBORESORỌ Ọ VWỌ GHANRE: Ọ da dianẹ “iroro rọ udu rẹ ohwo pha kokodo djigbri kerẹ ame,” kọyen enọ họhọ igogono re vwo si ayen phia. (Isẹ 20:5) Enọ nẹrhẹ ihwo re kerhọ rẹ avwanre vwobọ vwẹ ota na. Ẹkpahọnphiyọ vwọ kẹ enọ ra nabọ sane dje obo rehẹ ẹwẹn rẹ ohwo na. Jesu reyọ enọ vwo ruiruo vwẹ idjerhe rọ ghwotọ. Mavọ yen avwanre sa vwọ vwẹrokere?

OBO RE CHE RUO WAN:

  • Nọ enọ re vwo vughe obo rehẹ ẹwẹn rẹ ohwo. Jesu nọ enọ sansan rere ọ vwọ riẹn obo rehẹ ẹwẹn rẹ idibo rọyen. (Mat. 16:13-16; be 238 ẹko. 3-5) Oka rẹ enọ tiọyen vọ yen wọ sa nọ?

  • Enọ re nẹrhẹ e vwo ẹruọ rẹ obo ra ta na. Rọ vwọ kpọ iroro rẹ Pita vi, Jesu da nọ enọ re sa nẹrhẹ Pita vwo ẹruọ rẹ obo ra ta na. (Mat. 17:24-26) Enọ vọ yen wọ sa nọ rere ohwo na vwo vwo ẹruọ rẹ obo ra ta?

  • Jiri ohwo na. Ọke rẹ osiẹbe ọvo vwọ “vwẹ aghwanre kpahe ota” kẹ Jesu nu, Jesu de jiro. (Mak 12:34) Mavọ yen wo se vwo jiri ohwo rọ kpahenphiyọ onọ wọ nọrọ?

NI ẸBẸRE RẸSOSUỌ RẸ IVIDIO RẸ RUIRUO RI JESU RURU​—YONO, RERE WỌ KPAHENPHIYỌ ENỌ NANA:

  • Diesorọ ọnana dia omamọ rẹ uyono-o, dede nẹ ovuẹ rọ vwọ phia na gbare?

  • Diesorọ o vwo fo nẹ avwanre ru vrẹ a de vwọ vwẹ ovuẹ phia?

NI ẸBẸRE RIVẸ RẸ IVIDIO NA, RERE WỌ KPAHENPHIYỌ ENỌ NANA:

  • Idjerhe vọ yen oniọvo na vwọ reyọ enọ vwo ruiruo vwẹ idjerhe rọ ghwotọ?

  • Ẹbẹre efa vọ yen avwanre sa vwẹrokere vwẹ ona rẹ uyono rọyen na?

Mavọ yen uyono rẹ avwanre djobọte ihwo efa wan? (Luk 24:32)