OBORESORỌ Ọ VWỌ GHANRE: Rere Jihova vwo rhiabọreyọ ẹga rẹ ihwo, ko fori nẹ ayen yono kpahen iji rọyen, ji reyọ ayen vwọba akpọ yerin. (Aiz. 2:3, 4) Ọbe na “God’s Love, rọ dia ọbe rivẹ rẹ avwanre vwo yono ihwo Baibol na vwẹ ukẹcha kẹ ayen vwọ riẹn oborẹ iji rẹ Baibol churobọ si akpeyeren rẹ kẹdẹ kẹdẹ rayen. (Hib. 5:14) Ọke re de yono ayen, avwanre davwẹngba vwo te ubiudu rayen rere o mu ayen vwo ru ewene ra guọnọre.Rom 6:17.

OBO RE CHE RUO WAN:

  • Nabọ muegbe, vwo ohwo rẹ wo che yono na vwẹ ẹwẹn. Muegbe rẹ enọ re cha chọn wẹ uko vwọ riẹn iroro rọyen kugbe ẹro ro vwo ni asan re yono na.Isẹ 20:5; be 259

  • Reyọ ekpeti rehẹ ẹbe na eje vwọ vwẹ ukẹcha kẹ ohwo ru vwo yono na vwọ mrẹ ọghanrovwẹ rọ vwọ reyọ iji rẹ Baibol na vwọba akpọ yerin

  • Vwẹ ukẹcha kẹ vwo roro kpahen eta ri shekpahen ẹwẹn obrorhiẹn, wo brorhiẹn kẹ-ẹ.Gal. 6:5

  • Vwẹ aghwanre riẹn sẹ ohwo ru vwo yono na guọnọ ukẹcha rọ vwọ vwẹ iji rẹ Baibol vwọba akpọ yerin. Phiuduphiyawọ vwọrẹ ẹguọnọ ro vwo ru ewene ra guọnọre fikirẹ ẹguọnọ ro vwo kpahen Jihova.Isẹ 27:11; Jọn 14:31