Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Ọbe Uyono rẹ Akpeyeren Avwanre vẹ Iruo Ruvie Na  |  December 2016

 AKPEYEREN RẸ INENIKRISTI

“Mẹvwẹ Na! Ji Vwe.”

“Mẹvwẹ Na! Ji Vwe.”

Ẹwẹn ra vwọ vwomaze rẹ Aizaya djephia na fo obo ra vwẹrokere. O dje esegbuyota phia, ji brokpakpa kpahenphiyọ use na dede nẹ ọ riẹn oboresorọ e vwo se-e. (Aiz. 6:8) Wo se ru ewene evo rere wọ sa vwọ ga vwẹ asan ra da ma guọnọ ukẹcha? (Une 110:3) Vwọrẹ imuẹro, ofori nẹ e “roro unu ro muru” a ke kparoma. (Luk 14:27, 28) Ẹkẹvuọvo, choma wọ vwọ reyọ erọnvwọn evo vwo ze fikirẹ iruo rẹ aghwoghwo na. (Mat. 8:20; Mak 10:28-30) Kirobo re niso vwẹ ividio rẹ Re Vwo Kpo Asan ra da ma Guọnọ Ukẹcha, ebruphiyọ ra mrẹ vwẹ ẹga rẹ Jihova rho vrẹ kizobo kizobo re zeri shesheri.

E DE NI IVIDIO NA NU, GBA KPAHENPHIYỌ ENỌ NANA:

  • Izobo vọ yen ohwo vuọvo vwẹ orua rẹ Williams zeri rere ayen sa vwọ ra ga vwẹ Ecuador?

  • Die yen ayen roro kpahen ọke rẹ ayen vwọ guọnọ asan rẹ ayen da ga?

  • Ebruphiyọ vọ yen te ayen obọ?

  • Tivọ wọ da sa mrẹ evuẹ efa kpahen ra vwọ ga vwẹ asan ra da ma guọnọ ukẹcha?

VWẸ ẸGA RẸ ORUA WẸN RỌ CHA NA, FUẸRẸN ENỌ NANA:

  • Mavọ yen avwanre sa vwọ hẹre iruo rẹ aghwoghwo rẹ avwanre kerẹ orua phiyọ? (km 8/11 4-6)

  • Ọ da dianẹ avwanre cha sa ga vwẹ asan ra da ma guọnọ ukẹcha-a, idjerhe vọ yen avwanre sa vwọ vwẹ ukẹcha phia vwẹ ukoko rẹ avwanre? (w16.03 23-25)