Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Jesu ji Ghwu kẹ Oniọvo Wẹn

Jesu ji Ghwu kẹ Oniọvo Wẹn

Jesu vwẹ arhọ rọyen kpahotọ kẹ ihworakpọ ri jẹgba. (Rom 5:8) Aphro herọ-ọ, oma vwerhen avwanre ohwo ọvuọvo nẹ Jesu vwo ẹguọnọ rẹ avwanre te ẹdia ro de ghwu kẹ avwanre. Dedena, o ji fo nẹ avwanre karophiyọ nẹ Kristi ji ghwu kẹ oniọvo rẹ avwanre. Mavọ yen avwanre se vwo dje oka rẹ ẹguọnọ rẹ Kristi kẹ iniọvo rẹ avwanre ri jẹgba kerẹ avwanre? Roro kpahen idjerhe erha. Ẹsosuọ, avwanre sa vwẹ ihwo ri nẹ asan yẹrẹ ẹkuotọ efa rhe vwọba igbeyan rẹ avwanre. (Rom 15:7; 2 Kọr. 6:12, 13) Ọrivẹ, avwanre jomaotọ rẹ a kẹnoma kẹ eta yẹrẹ iruemu re sa nẹrhẹ ivun miovwon ihwo efa. (Rom 14:13-15) Ọrerha, ohwo de ru avwanre chọ, e jẹ a fobọ reyọ vwo ghovwo ohwo na. (Luk 17:3, 4; 23:34) Avwanre da wian gangan vwọ vwẹrokere Jesu vwẹ idjerhe nana, Jihova ko ku ebruphiyọ rẹ ufuoma vẹ oyerinkugbe ku ukoko na ọkieje.

NI IVIDIO NA JẸ URUEMU WẸN YOVWINPHIYỌ! RERE WỌ KPAHENPHIYỌ ENỌ NANA:

  • Ẹwẹn vọ yen Miki vwo kpahen ukoko rọyen vwẹ ẹsosuọ?

  • Die yen wene ẹwẹn rọyen?

  • Idjerhe vọ yen udje rẹ Jesu vwọ chọn Miki uko vwo wene ẹwẹn rọyen? (Mak 14:38)

  • Idjerhe vọ yen Isẹ 19:11 sa vwọ chọn avwanre uko vwọ vwẹ ẹro abavo vwo ni iniọvo na?