Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 AKPEYEREN RẸ INENIKRISTI

Ọke vọ Yen me sa Vwọ Rhoma ga Kerẹ Ọkobaro Ubrọke?

Ọke vọ Yen me sa Vwọ Rhoma ga Kerẹ Ọkobaro Ubrọke?

Emramrẹ rẹ Izikiẹl kpahen uwevwin rẹ ẹga na djerephia nẹ ihwo rẹ Jihova cha vwẹ oma rayen kpahotọ ọphọphẹ. Mavọ yen avwanre ohwo ọvuọvo sa vwọ vwomakpahotọ ọphọphẹ?​—Hib. 13:15, 16.

Idjerhe ọvo yen a vwọ ga kerẹ ọkobaro ubrọke. Ukpe rẹ ẹga rẹ 2018 vwo emeranvwe sansan ri vwo Saturday vẹ Sunday iyiyorin. Ọnana yovwirin mamọ vwọ kẹ ihwo ri ruiruo rẹ ọkieje, kidie oba rẹ udughwrẹn na ọvo yen ayen se vwo kpo aghwoghwo. Vwọba, ighwoghwota sa jẹ ojẹ ayen vwọ niyẹnrẹn rẹ inọke 30 yẹrẹ 50 vwẹ emeranvwe rẹ March vẹ April kugbe ọke rẹ oniruo rẹ okinriariẹ de kin ukoko rayen.

Ọ da rha dianẹ avwanre vwo uphẹn ra vwọ ga kerẹ ọkobaro ubrọke-e vwo? Avwanre je sa davwẹngba vwo ru ona rẹ aghwoghwo rẹ avwanre yovwinphiyọ, je ghwọrọ ọke bunphiyọ vwẹ iruo rẹ aghwoghwo na. O toro ẹdia rẹ avwanre hepha-a, e jẹ ẹguọnọ rẹ Jihova mu avwanre vwo ru oborẹ ẹgba rẹ avwanre muru vwẹ ukpe rẹ ẹga rẹ 2018!​—Hos. 14:2.

Mavọ yen me sa vwọ vwẹrokere oruru rẹ Sabina Hernández?

NI IVIDIO RẸ JIHOVA SA CHỌN VWẸ UKO VWO RU KEMU KEMU, RERE WỌ KPAHENPHIYỌ ENỌ NANA:

  • Die yen mu Sabina vwo ru bunphiyọ vwẹ ẹga rẹ Jihova?

  • Mavọ yen udje rẹ Sabina bọn wẹn gan wan?

  • Vwẹ ukpe rẹ ẹga rẹ 2018, emeranvwe vọ yen wọ sa vwọ ga kerẹ ọkobaro rẹ ubrọke?