Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Ọbe Uyono rẹ Akpeyeren Avwanre vẹ Iruo Ruvie Na  |  August 2016

 AKPEYEREN RẸ INENIKRISTI

Ru Ona rẹ Aghwoghwo Wẹn Yovwin Phiyọ—Vwẹ Ukẹcha kẹ Ihwo ra Vwẹ Baibol Yono Vwọ Vwomakpahotọ ji Bromaphiyame

Ru Ona rẹ Aghwoghwo Wẹn Yovwin Phiyọ—Vwẹ Ukẹcha kẹ Ihwo ra Vwẹ Baibol Yono Vwọ Vwomakpahotọ ji Bromaphiyame

OBORESORỌ Ọ VWỌ GHANRE: Ihwo re yono Baibol na cha vwomakpahotọ, ji bromaphiyame tavwen Jihova ki se rhiabọreyọ ayen. (1 Pita 3:21) Ayen ke sa dia otọ rẹ ophie rẹ Ọghẹnẹ siẹrẹ ayen de yerin nene omaẹvwọkpahotọ rayen. (Une 91:1, 2) Jihova yen Onenikristi vwomakpahotọ kẹ, ọ dia ohworakpọ, iruo, yẹrẹ usuon rẹ ohworakpọ-ọ. Ọtiọyena, ofori rẹ ihwo re yono Baibol na vwo vwo ẹguọnọ, ji dje ọdavwaro phia kẹ Ọghẹnẹ.—Rom 14:7, 8.

OBO RE CHE RUO WAN:

  • Ọke rẹ ovwan de yono, dje vwọ kẹ ohwo na oborẹ asan rẹ ovwan yono na ta kpahen Jihova. Kanrunumu isese rẹ Baibol rẹ kẹdẹ kẹdẹ kugbe ra vwọ nẹrhovwo rhe Jihova “kẹdẹ kẹdẹ.”—1 Tẹsa. 5:17; Jems 4:8

  • Jiro kẹ ohwo wọ vwẹ Baibol yono na nẹ o bru ẹkẹn rẹ omaẹvwọkpahotọ kugbe omaebrophiyamẹ kẹ oma. Je vwẹ ukẹcha kẹ vwo bru ẹkẹn kẹ oma kerẹ ra vwọ kpahanphiyọ enọ vwevunrẹ uyono yẹrẹ ghwoghwota kẹ ihwo ra vẹ ayen gba dia, kugbe ihwo rẹ iruo. Karophiyọ nẹ Jihova gba ohwo vuọvo ga-a. Omaẹvwọkpahotọ ọyen orhiẹn romobọ.—Urhi 30:19, 20

  • Jeje ohwo rẹ wo yono na rere o ru ewene ra guọnọre, rere oma vwọ vwerhen Jihova, o mi ji muwan vwọ kẹ omaebrophiyame. (Isẹ 27:11) Kidie nẹ iruemu evo sa riẹnriẹn ohwo oma, ohwo re yono Baibol na sa guọnọ ukẹcha rẹ ọkieje rere o se vwo siobọ nu erharhe rẹ iruemu tiọyena, o mi rhe vwo iruemu ekpokpọ. (Ẹfe. 4:22-24) Dje iyovwinreta sansan rẹ “Baibol  na Wene Ohwo” rehẹ Uwevwin Orhẹrẹ na vwọ kẹ

  • Gbikun rẹ aghọghọ wọ mrẹre vwẹ ẹga rẹ Jihova vwọ kẹ.—Aiz. 48:17, 18