Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

“Vwẹ evun rẹ oyovwe rode kọye ayen da gọlọ” vwẹ Uvie rẹ Ọghẹnẹ na.​—Une Rẹ Ejiro 37:11

Die Yen Baibol na Tare?

Die Yen Baibol na Tare?

Baibol na sa vwẹ ukẹcha kẹ wẹ vwo yerin ghene ẹnwan?

Die wọ cha ta?

  • E

  • Ẹjo

  • Ọkiọvo

Oborẹ Baibol na tare

“Vwẹ ẹnwan wẹn ejobi vwọ ya [Ọghẹnẹ], kidie ọye re vwẹ ẹro te we.” (1 Pita 5:7) Baibol na kẹ avwanre imuẹro nẹ Ọghẹnẹ sa vwẹ ukẹcha kẹ wẹ vwo phi ẹnwan kparobọ.

Die ọfa yen Baibol na se yono avwanre?

  • Ẹrhovwo sa chọn wẹ uko vwo vwo “ufuoma rẹ Ọghẹnẹ” ro si ẹnwan kpotọ.​—Filipae 4:6, 7.

  • Vwọba, ese rẹ Ota rẹ Ọghẹnẹ sa chọn wẹ uko vwo yerin ghene ẹnwan.​—Matiu 11:28-30.

E che ghini si ẹnwan no?

Ihwo evo vwo imuẹro nẹ . . . ẹnwan ẹbẹre ọvo rẹ akpeyeren rẹ ohworakpọ, efa vwo imuẹro nẹ akpọ rẹ ohwo che yerin siẹrẹ o de ghwu nu yen ẹnwan de che no. Die wo rorori?

Oborẹ Baibol na tare

Ọghẹnẹ veri nẹ o che si obo re so ẹnwan no. “Ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a.”​—Ẹvwọphia 21:4.

Die ọfa yen Baibol na se yono avwanre?

  • Vwẹ Uvie na, ihwo che vwo ufuoma gbidiki.​—Aizaya 32:18.

  • Ẹnwan rẹ okamuka rha cha dia-a.​—Aizaya 65:17.