Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Uwevwin Orhẹrẹ  |  June 2016

Wọ Karophiyọ?

Wọ Karophiyọ?

Wọ nabọ frẹkotọ se ọbe Uwevwin Orhẹrẹ rẹ emeranvwe evo re wanre na? Ọ da dia ọtiọyen, gba davwẹngba sẹ wọ sa kpahenphiyọ enọ nana:

Diesorọ Jihova vwọ rhọnvwephiyọ ifovwin rẹ emọ rẹ Izrẹl phiri?

Jihova vwo ẹguọnọ. Ẹkẹvuọvo, vwẹ ọke sansan, ọ vwẹ uphẹn kẹ ifovwin siẹrẹ ihwo rọyen de hirharoku ojaẹriọ vẹ omukpahen. Ọghẹnẹ yen brorhiẹn rẹ ohwo ro che kpo ofovwin na vẹ ọke rọ vwọ ra.—w15-E 11/1, aruẹbe 4-5.

Die yen emiọvwọn se ru ayen vwo yono emọ rayen rehẹ ẹgbukpe 13-19 vwọ ga Jihova?

Ofori nẹ emiọvwọn vwo ẹguọnọ kpahen emọ rayen ayen me je vwomakpotọ vwẹ uruemu rayen. O ji fo nẹ emiọvwọn vwo oniso, je davwẹngba vwo vwo ẹruọ rẹ emọ rayen.—w15-E 11/15, aruẹbe 9-11.

Diesorọ o vwo je fo re vwo roro nẹ ipopu na rhe reyọ ẹdia rẹ Pita?

Ọ diẹ Matiu 16:17, 18 tare nẹ ọyinkọn Pita yen cha dia ọgbuyovwin rẹ ukoko rẹ Inenikristi na-a. Baibol na djerephia nẹ Jesu yen oragha rẹ ukoko na ọ diẹ Pita-a. (1 Pita 2:4-8)—w15-E 12/1, aruẹbe 12-14.

Die yen e roro kpahen tavwen a ke ta ota?

Eta rẹ avwanre cha vwerhen siẹrẹ e de roro kpahen (1) ọke ra vwọ ta ota (Aghwo. 3:7), (2) obo ra cha ta (Isẹ 12:18), vẹ (3) obo ra ta ota na wan (Isẹ 25:15).—w15-E 12/15, aruẹbe 19-22.

Erhọ yen iruemu rẹ jẹfuọn evo rẹ Inenikristi kẹnoma kẹ?

Ofori nẹ Inenikristi uyota kẹnoma kẹ efian eguon vẹ re vwo miovwo ihwo efa. Ayen ta eta ebrabra re sa so omaẹkuọn kẹ ihwo efa, ayen ji phi iwayo yẹrẹ chuji-i.—wp16.1-E, aruọbe 5.

Amono yen “irherẹn ride” re djunute vwẹ Baibol na?

A reyọ ubiota na “irherẹn ride” vwo se ihwo ri vwo ẹdia ro kpenu vwẹ usun rẹ irherẹn na, o ji churobọ si irherẹn re ga vwẹ ẹdia nana jovwo re.—wp16.1-E, aruọbe 10.

Ẹro vọ yen ofori nẹ wo vwo ni ohwo rọ ria emu ovwọnvwọn na?

Inenikristi nẹ ihwo re ria emu ovwọnvwọn na gegerege-e. Ohwo ra jẹreyọ na je cha guọnọ nẹ a vwẹ ẹro tiọyen vwo ni ọye-en, yẹrẹ o ji che ghwoghwo uphẹn rẹ Ọghẹnẹ vwọ kẹ na kẹ ihwo-o. (Mat. 23:8-12)—w16.01, aruẹbe 23-24.

Die yen e se yono vwo nẹ idjerhe rẹ Ebraham vwọ dia ugbeyan rẹ Ọghẹnẹ?

Ọ sa dianẹ Shem yen yono Ebraham kpahen Ọghẹnẹ. O ji yono aghwanre vwo nẹ idjerhe rẹ Ọghẹnẹ vẹ ọyen kugbe orua rọyen yerin wan. A sa je vwẹrokere.—w16.02, aruẹbe 4-6.

Mavọ yen ẹbe rẹ Baibol na vwo vwo uyovwin vẹ awọ?

Vwẹ ẹgbukpe ujorin 13, orherẹn ọvo re se Stephen Langton da ghare Baibol na phiyọ iyovwin. Isiẹbe rẹ Ju yen ka ghare Baibol rẹ Hibru na phiyọ awọ sansan, vwẹ ẹgbukpe ujorin 16, ọgbaeriariẹn ọvo re se Robert Estienne da rha ghare Ẹbẹre rẹ Baibol ra vwẹ Grik vwo si na phiyọ awọ sansan.—wp16.2-E, aruẹbe 14-15.

Vwẹ idjerhe re rhiẹromrẹ yen Eshu vwo mu Jesu kpo okpo rẹ uwevwin rẹ ẹga na ra davwọni?

Avwanre ghwa riẹ-en. Ọ sa dianẹ Matiu 4:5 vẹ Luk 4:9 mudiaphiyọ nẹ ọnana phiare vwẹ emramrẹ yẹrẹ Jesu mudia phiyọ asan ọvo ro kpenu vwẹ uwevwin rẹ ẹga na.—w16.03-E, aruọbe 31-32.

Idjerhe vọ yen iruo aghwoghwo avwanre sa vwọ họhọ irho?

Ememerha yen irho vwọ cha, o djiroma a je guọnọ vwẹ akpeyeren. Irho, ọyen ebruphiyọ ro nẹ obọ rẹ Ọghẹnẹ rhe. (Urhi 33:13) Ẹgbaẹdavwọn rẹ ihwo rẹ Ọghẹnẹ eje vwẹ iruo aghwoghwo na je họhọ irho.—w16.04, aruọbe 32.