Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Uwevwin Orhẹrẹ  |  January 2016

 UYOVWINROTA RẸ ỌBE NA | DIESORỌ A VWỌ DIA OHWO RẸ UYOTA?

Oborẹ Uruemu rẹ jẹ Ohwo rẹ Uyota Ẹdia Vwo Djobọte We

Oborẹ Uruemu rẹ jẹ Ohwo rẹ Uyota Ẹdia Vwo Djobọte We

“O vwo ẹdia ebẹnbẹn sansan re se phi kparobọ womarẹ uruemu rẹ jẹ ohwo rẹ uyota ẹdia.”—Samantha vwẹ South Africa.

Wọ rhọnvwe phiyọ ota yena? Kerẹ Samantha, avwanre ejobi ji hirharoku ẹdia ọbẹnbẹn ọvo yẹrẹ ọfa jovwo re. Oborẹ avwanre ruẹ vwẹ ẹdia tiọyena se dje oka rẹ uruemu rọ ma ghanre kẹ avwanre. Kerẹ udje, e se dje uruemu rẹ jẹ ohwo rẹ uyota ẹdia phia ọ da dianẹ oshọ ra vwọ phọphọ oma mu avwanre. Ẹkẹvuọvo, ihwo da rhe riẹnre, obo ri che nẹ obuko rọyen rhe, rhe che yovwi-in. E jẹ e djunute evo.

A RHA SA VWẸROSO OHWO-O

Ẹroẹvwọsuọ nẹrhẹ oyerinkugbe gan. Ihwo ivẹ da vwẹroso ohwohwo, ubiudu rayen ko totọ. Ẹkẹvuọvo, a cha sa vwẹroso ohwo kpregede-e. Ẹroẹvwọsuọ guọnọ ọke, omaevwoze, kugbe ra vwọ ta uyota kẹ ohwohwo. Ẹkẹvuọvo, a sa guọghọ ẹroẹvwọsuọ tiọyena womarẹ uruemu rẹ jẹ ohwo rẹ uyota ẹdia. Ọ bẹn ra sa vwọ rhoma vwẹroso ohwo siẹrẹ a da guọghọ nu.

Ugbeyan wẹn phiẹn wẹ jovwo re? Ọ da dia ọtiọyen, mavọ oma ru we? Ọkiọvo, ọ da wẹ mamọ, wọ je tobọ roro nẹ e ku we phiyotọ. Wo de roro ọtiọyen, ọ chọre-e. Aphro herọ-ọ, uruemu rẹ jẹ ohwo rẹ uyota ẹdia sa guọghọ omamọ rẹ oyerinkugbe.

URUEMU NANA PHO MUẸ OHWO

Ehahiẹ rẹ Robert Innes rọ dia ọgbaerianriẹn ro yono kpahen ekiẹchuọ (economics) vwẹ University of California, tare nẹ, “uruemu rẹ jẹ ohwo rẹ uyota ẹdia pho muẹ ohwo.” Ọtiọyena, e se vwo dje ọga ro pho muẹ ohwo. Wẹ vẹ ohwo rọ phiẹn ihwo de vwo oyerinkugbe, ọ sa nẹrhẹ uruemu rẹ jẹ ohwo rẹ uyota ẹdia “pho mu” we.

Mavọ wọ sa vwọ kẹnoma kẹ uruemu nana? Baibol na sa chọn wẹ uko. Biko roro kpahen iyono rẹ Baibol evo.