Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 UNE 73

Kẹ Avwanre Uduefiogbere

Select an Audio Recording
Kẹ Avwanre Uduefiogbere
NI

(Iruo Rẹ Iyinkọn Na 4:29)

  1. 1. Avwanre vwo ghwoghw’Uvie na,

    Kugb’od’ọfuanfon wẹn na,

    Ihwo reyọ vwọsu’avwanre,

    Ayen muẹ kpah’avwanre.

    J’oshọ che mu’avwanre rẹ,

    Upho wẹn y’avwanre che nyo.

    Biko k’avwanre ẹw’ọfuanfon;

    Biko nyẹrhovwo r’avwanre.

    (EKUO)

    Vw’uduefiogbere k’avwanre

    Vwo ruiruo r’aghwoghwo na.

    Vw’ẹgba v’ogangan k’avwanre

    Vwo ruiruo r’Uvie wẹn na.

    Amagidọni kẹrire.

    Bẹsi’ẹdẹ rode na vwo te,

    Biko gbe j’avwanr’ejobi

    Fiudugberi.

  2.  2. Avwanre vw’emu vuọvo rẹ,

    Wẹ y’Ọghẹnẹ r’avwanre.

    Oshọ da tobọ mu’avwanre,

    Avwanre vwẹros’owẹ.

    Biko sẹro r’avwanre

    Vwo n’abọ r’ihwo re vwọsua.

    Ch’avwanr’uko vwo ruiruo wẹn na,

    Akpọneje vwo ny’odẹ wẹn.

    (EKUO)

    Vw’uduefiogbere k’avwanre

    Vwo ruiruo r’aghwoghwo na.

    Vw’ẹgba v’ogangan k’avwanre

    Vwo ruiruo r’Uvie wẹn na.

    Amagidọni kẹrire.

    Bẹsi’ẹdẹ rode na vwo te,

    Biko gbe j’avwanr’ejobi

    Fiudugberi.

(Ji ni 1 Tẹsa. 2:2; Hib. 10:35.)