Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Yono Emọ Wẹn

 UYONO 5

Samuẹl ru Obo ri Yovwirin Ọkeneje

Samuẹl ru Obo ri Yovwirin Ọkeneje

Vwo nẹ ọkiemọ rhe, ọyen Samuẹl vwọ ga vwevunrẹ tabanako na, asan rẹ ihwo da ga Jihova. Wọ riẹn obo rẹ Samuẹl ru rhiẹ tabanako na? Ẹsosuọ, e jẹ avwanre ke yono kpahen oni ri Samuẹl, re se Hanah.

Hanah rọvwọn krire, jẹ o ji rhi vwiẹ-ẹ. Ọ da nẹrhovwo kẹ Jihova nẹ Ọ kẹ ọyen ọmọshare. O de ve kẹ nẹ ọ da kẹ ọyen ọmọshare, ọ cha vwọ kpahotọ nẹ ọ ga vwẹ tabanako na bẹdẹ bẹdẹ. Jihova da kpahenphiyẹ ẹrhovwo rẹ Hanah, o de ghini vwiẹ ọmọshare. O de se odẹ rọyen Samuẹl. Ọke rẹ Samuẹl vwọ hẹ ẹgbukpe erha yẹrẹ ẹne, Hanah de mwo kpẹ tabanako na, kirobo ro veri.

Eli ọyen orherẹn rode rọ ga vwẹ tabanako na. Emeshare rọyen ivẹ je wian vwẹ etiyin. Karophiyọ nẹ, tabanako na ọyen asan ra da ga Ọghẹnẹ, ọ diẹ asan re de ruẹ obo re brare-e. Ẹkẹvuọvo emọ rẹ Eli ru obo re brare. Samuẹl mrẹ oborẹ ayen ruẹ. Samuẹl vwẹrokere emọ rẹ Eli vwo ru obo re brare?— Ẹjo, ukpe rẹ ọtiọyen, o ru obo ri yovwirin ọkeneje kirobo rẹ ọsẹ vẹ oni rọyen yoniro.

Diẹ yen ofori nẹ Eli ru emọ rọyen na?— Ofori nẹ ọ ghwọku ayen. Mane kọ rha djẹ ayen nẹ uwevwin rẹ Ọghẹnẹ. Ẹkẹvuọvo, Eli ru ọtiọye-en, kọyen sorọ ophu vwo mwu Jihova kpahen Eli vẹ emọ rọyen. Jihova de brorhiẹn hwe ayen.

Samuẹl vuẹ Eli obo rẹ Jihova tare

Ason rẹ ẹdẹ ọvo Samuẹl vwọ vwerhẹn, o de nyo upho rẹ ohwo ọvo ro sere: ‘Samuẹl!’ Ọ da djẹ bru Eli ra, Eli da vuẹ nẹ: ‘Mi se we-e.’ Ọnana phiare abọ erha. Ọrẹ abọ rerha, Eli da vuẹ nẹ ọ da rhoma nyo upho na, ọ gba ta nẹ: ‘Biko Jihova, ta rhe, mi nyo wen.’ Samuẹl de ghini ru ọtiọyen. Jihova da vuẹ Samuẹl: ‘Yanran ra vuẹ Eli nẹ me cha vwẹ oja riọ vẹ orua rọyen fikirẹ erọnvwọn ebrabra rẹ ayen ruẹ na.’ Wọ rori nẹ ọ lọhọre kẹ Samuẹl rọvwọ vuẹ Eli ota nana?— Ẹjo,  ọ lọhọre-e. Dede nẹ oshọ mwu ro, jẹ o ru obo rẹ Jihova vuẹrẹ nẹ o ru. Obo rẹ Jihova tare ọyen ghene phia. Eli vẹ emọ rọyen ivẹ na ghwuru.

Ofori nẹ a vwẹrokere udje ri Samuẹl. O ru obo ri yovwirin dedevwo nẹ ọ hẹ uvwre rẹ ihwo re ruẹ obo re brare. Kẹ owẹ vwo? Wọ vwẹrokere Samuẹl vwo ru obo ri yovwirin? Wo de ru ọtiọyen, oma cha vwerhen Jihova ọtiọyen ji te ọsẹ vẹ oni wẹn.

SE ẸKPO NANA VWẸ BAIBOL WẸN

  • 1 Samuẹl 2:​22-​26; 3:​1-​21