Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

Iseri ri Jihova

Sane ejajẹ Urhobo

 UYONO 1

Odjahọn rẹ Avwanre Guọnọ Riẹn

Odjahọn rẹ Avwanre Guọnọ Riẹn

A vuẹ wẹ ota odjahọn dẹvore?​—⁠ * Baibol na tota kpahen odjahọn roghẹresan ọvo, re seri nẹ ‘odjahọn ọfuanfon.’ Odjahọn nana pha fuanfon keridie obọ r’Ọghẹnẹ ọyen o nurhe. E sere nẹ odjahọn keridie ihwo buebun riẹn kpahọ-ọn. Emekashe dede guọnọ riẹn kpahọn. Wọ guọnọ riẹn odjahọn nana?—

Die wo rori nẹ emekashe na guọnọ riẹn kpahan?

Ọghẹnẹ ma ọshare vẹ aye rẹsosuọ vwẹ ọke grogron rọ wanre. Odẹ rayen Adam vẹ Ivi. Ọghẹnẹ phi ayen phiyẹ asan oyoyovwin ọvo re se ogba rẹ Idẹn. Ọ da dianẹ Adam vẹ Ivi nyupho r’Ọghẹnẹ jovwo, ayen vẹ emọ rayen re ru akpọ na yoyovwin kerẹ ogba yena, kẹ ayen rha dia bẹdẹ bẹdẹ vwẹ Iparadaisi. Wọ karophiyẹ oborẹ Adam vẹ Ivi ruru?—

Adam vẹ Ivi nyupho r’Ọghẹnẹ-ẹ, kọyen sorọ avwanre rha hẹ Iparadaisi na asaọkiephana-a. Ẹkẹvuọvo, Ọghẹnẹ tare nẹ ọyen che ru otọrakpọ na eje yoyovwin, ihwoeje ke cha dia bẹdẹ bẹdẹ vẹ omavwerhovwẹn. Mavọ yen O che ru ọnana wan? Vwẹ ọke grogron, ihwo buebun riẹn obo ro che ruo wa-an. Ọyena odjahọn.

Jesu yono ihwo kpahen odjahọn nana ọke rọ vwọ hẹ otọrakpọ na. Ọ tare nẹ o shekpahen Uvie r’Ọghẹnẹ. Jesu vuẹ ihwo nẹ ayen nẹrhovwo nẹ Uvie nana rhe. O che ru akpọ na phiyẹ Iparadaisi.

Oma vwerhen owẹ wọ vwọ riẹn odjahọn nana?— Karophiyọ nẹ ihwo ri nyupho ri Jihova ọvo eyen cha dia vwevunrẹ Iparadaisi na. Baibol na gbikun rẹ eshare vẹ eya buebun ri nyupho ri Jihova. Wọ guọnọ riẹn kpahen ayen?— E jẹ avwanre yono kpahen evo usun rayen, a mrẹ obo rẹ avwanre sa vwọ vwẹrokere ayen.

SE ẸKPO NANA VWẸ BAIBOL WẸN

  • Mak 4:​11

  • 1 Pita 1:​12

  • Jẹnẹsis 1:​26-​28; 2:​8, 9; 3:​6, 23

  • Matiu 6:​9, 10

  • Une Rẹ Ejiro 37:​11, 29

^ e?ko. 3 Vwevunrẹ ikuegbe nana, wọ cha mrẹ oka nana (​—⁠) vwẹ obaro rẹ enọ evo. Wọ da mrẹ oka na, gba dunuji rere ọmọ wẹn kpahenphiyẹ onọ na.