Akpọ ravwanre na cha . . .

  • dia enenẹ?

  • miovwin nenẹ?

  • yovwin nenẹ?

 OBO RI BAIBOL NA TARE

“Ọghẹnẹ . . . ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.”—Ẹvwọphia 21:3, 4, Baibol Ofuanfon Na.

OBO RẸ ỌYENA SE MUDIAPHIYỌ KẸ WẸ

Uvi rẹ iruo rọ kẹ ohwo omavwerhovwẹn.—Aizaya 65:21-23.

Koka koka rẹ ọga vẹ ojaẹriọ gbe cha dia ọfa-a.—Aizaya 25:8; 33:24.

Akpeyeren rẹ omavwerhovwẹn, ro vwo oba-a vẹ orua kugbe igbeyan.—Une Rẹ Ejiro 37:11, 29.

 AVWANRE GHINE SE SE OBO RI BAIBOL NA TARE GBUYOTA?

E, fikirẹ iroro ivẹ siẹrẹ e da hanvwen:

  • Ọghẹnẹ vwo ẹgba rovwo ru ive na gba. Vwẹ evunrẹ Baibol na, Jihova Ọghẹnẹ ọvo yẹn e seri ‘Ọromevwẹgba,’ fikiridie ẹgba rọyen basa-an. (Ẹvwọphia 15:3) Ọtiọyena o vwo ẹgba rovwo ru ive rọyen gba vwo wene akpọ ravwanre yoyovwin. Kerẹ obo rẹ Baibol na tare, ‘o vwo obo re bẹn Ọghẹnẹ eruo-o.’—Matiu 19:26.

  • Ọghẹnẹ vwo owevwen rovwo ru uve na gba. Kerẹ udje, Jihova vwo ‘urhurusivwe’ rọvwọ reyẹ urhuarhọ kẹ ihwo ri ghwuru.Job 14:14, 15.

Baibol na ji dje phia nẹ Ọmọ r’Ọghẹnẹ, Jesu, sivwin itu re mwọga. Diesorọ o vwo ru ọtiọyen? Fikiridie ọ guọnọre. (Mak 1:40, 41) Jesu ru họhọ Ọsẹ rọyen gbagba vwọrẹ owevwen rọvwọ chọn ihwo re guọnọ ukẹcha uko.—Jọn 14:9.

Ọtiọyena avwanre se vwo imwẹro ni Jihova vi Jesu guọnọ chọn avwanre uko vwọ riakpọ omavwerhovwẹn vwẹ obaro na!—Une Rẹ Ejiro 72:12-14; 145:16; 2 Pita 3:9.

 OBO RE RORO KPAHEN

Mavọ Ọghẹnẹ che wene akpọ ravwanre rọ da dia yoyovwin?

Baibol na kpahenphiyọ onọ yena vwẹ MATIU 6:9, 10 kugbe DANIẸL 2:44.