Pho kpẹ obo revun rọyen

Pho kpẹ mẹnu rivẹ

Iseri ri Jihova

Urhobo

Die yen Uvie rẹ Ọghẹnẹ?

Die yen Uvie rẹ Ọghẹnẹ?

Wọ ta nẹ . . .

  • orọnvwọn rọhẹ evunrẹ ubiudu wẹn?

  • itẹ ghevweghe?

  • usuon rọhẹ obodjuvwu?

 OBO RI BAIBOL NA TARE

“Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ.”—Daniẹl 2:44.

“Kidie avwanre e vwiẹ ọmọ na kẹ, isuesun na kẹ igabọ rọyen ọ cha dia.”—Aizaya 9:6.

OBORẸ ỌYENA SE MUDIAPHIYỌ KẸ WẸ

  • • Usuon rẹ ọvwata rọ cha ghwa erere bru we rhe.—Aizaya 48:17, 18.

  • • Omakpokpọ kugbe omavwerhovwẹn vwevunrẹ akpọ kpokpọ rọ cha na.Ẹvwọphia 21:3, 4

 AVWANRE GHINI SESE OBO RI BAIBOL NA TARE GBUYOTA?

E, fikirẹ iroro erha siẹrẹ e da hanvwen:

  • Jesu dje obo rẹ Uvie rẹ Ọghẹnẹ che ru. Jesu yono idibo rọyen nẹ ayen nẹrhovwo nẹ Uvie rẹ Ọghẹnẹ rhe, rere e ru ọhọre rẹ Ọghẹnẹ vwẹ otọrakpọ na. (Matiu 6:9, 10) Jesu dje obo ra cha kpahenphiyẹ ẹrhovwo yena wan.

    Ọke rọ vwọ hẹ otọrakpọ na, Jesu ghẹrẹ ihwo rẹ owẹnvwe hwe, o sivwin itu re mwọga, ọ da je kpare ihwo ri ghwuru vrẹn! (Matiu 15:29-38; Jọn 11:38-44) Kerẹ Ovie ro che sun vwẹ Uvie rẹ Ọghẹnẹ, Jesu dje udje rẹ erhuvwu rẹ Uvie na che ru vwọkẹ ihwo ro che sun.Ẹvwọphia 11:15.

  • Obo re phia vwẹ akpọ na djerephia nẹ Uvie rẹ Ọghẹnẹ cha rhe kẹrẹkpẹ. Jesu tarọ phiyotọ nẹ tavwen Uvie rẹ Ọghẹnẹ ki hwariẹ ufuoma rhe, ihworakpọ che hirharoku ebẹnbẹn sansan kerẹ ifovwin, owẹnvwe, kugbẹ etọ re cha bẹre.Matiu 24:3, 7

    Erọnvwọn nana phia nonẹna. Ọtiọyena, avwanre vwo imwẹro nẹ Uvie rẹ Ọghẹnẹ che siẹ ebẹnbẹn na eje no riẹriẹriẹ.

 OBO RE RORO KPAHEN

Mavọ yẹn akpeyeren cha dia vwẹ otọ rẹ usuon rẹ Uvie rẹ Ọghẹnẹ?

Baibol na kpahenphiyẹ onọ yena vwẹ UNE RẸ EJIRO 37:29 kugbe AIZAYA 65:21-23.