Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 UYONO 3

O Fori nẹ Wo Yono Kpahen Ọghẹnẹ

O Fori nẹ Wo Yono Kpahen Ọghẹnẹ

Wọ sa vwọ dia ugbeyan rẹ Ọghẹnẹ, ko fori nẹ wo yono kpahọn. Igbeyan wẹn riẹn odẹ wẹn, je reyọ vwo se we? Ayen ru ọtiọyen. Ọghẹnẹ guọnọre nẹ wọ riẹn odẹ rọyen rere wọ je reyọ vwo se. Odẹ rẹ Ọghẹnẹ yẹn Jihova. (Une Rẹ Ejiro 83:18; Matiu 6:9) O ji fo nẹ wọ riẹn obo ri je vẹ obo ro vwo utuoma kpahen. O ji fo nẹ wo vughe igbeyan rọyen vẹ ivwighrẹn rọyen. Ọ reyọ ọke tavwen e ki se vughe ohwo fiotọ. Baibol na tare nẹ ọyen emu rẹ aghwanre a vwọ rhuẹrẹ ọke phiyotọ vwo yono kpahen Jihova.​—Ẹfesọs 5:15, 16.

Igbeyan rẹ Ọghẹnẹ ruẹ obo re vwerhọn oma. Roro kpahen igbeyan wẹn. Wo de ruẹ obo re nẹrhẹ ivun miovwon ayen, igbeyan rẹ ovwan na sa tọn? Ẹjo! Ọtiọyen ọ je hepha, wọ da guọnọ dia ugbeyan rẹ Ọghẹnẹ, gbe ru obo re vwerhọn oma.​—Jọn 4:24.

Ọ diẹ ẹga eje yen sa nẹrhẹ ohwo dia ugbeyan rẹ Ọghẹnẹ-ẹ. Jesu rọ dia ugbeyan rọ ma kẹrẹ Ọghẹnẹ, tota kpahen idjerhe ivẹ. Ọvo usun rẹ idjerhe na pha hẹhẹre, ihwo buebun yen yan vwẹ evun rọyen. Idjerhe yena suẹn ohwo kpẹ oghwọrọ. Idjerhe ro chekọ na pha hwahwa, imihwo yen yan vwẹ evun rọyen. Idjerhe yena suẹn ohwo kpẹ arhọ ri bẹdẹ. Ọnana mudiaphiyọ nẹ wọ da guọnọ dia ugbeyan rẹ Ọghẹnẹ, ku wo che yono idjerhe rẹ uyota wọ vwọ ga.​—Matiu 7:13, 14.