Ẹguọnọ yen nẹrhẹ ugbeyan gan. Wo de yono kpahen Jihova ọkieje, ẹguọnọ wẹn kpahọn kọ cha gan phiyọ. Ẹguọnọ wẹn kpahen Ọghẹnẹ vwọ gan phiyọ na, ọdavwẹ ru wọ vwọ ga kọ je cha gan phiyọ. Ọnana kọ cha nẹrhẹ owẹ dia odibo ri Jesu Kristi. (Matiu 28:19) Wọ da vwomaba orua rẹ Iseri ri Jihova, ku wọ re avwerhen rẹ ugbeyan rẹ Ọghẹnẹ bẹdẹ. Die ofori nẹ wo ru?

Dje ẹguọnọ wẹn kẹ Ọghẹnẹ, wo yan nene irhi rọyen. “Kidie ọnana hẹ ẹguọnọ rẹ Ọghẹnẹ na nẹ, avwanre yọnrọn irhi rọyen. Yẹ irhi rọyen na ghwa họhọ-ọ.”​—1 Jọn 5:3.

Reyọ obo wo yono vwo ruiruo. Jesu gbikun obo re ruẹ ọnana wan. Ọshare ọvo ro vwo aghwanre bọn uwevwin rọyen phiyọ enu rẹ oragha. Ẹkpa ọshare ọvo da rha bọn uwevwin rọyen phiyọ enu rẹ ekpẹn. Ọke rẹ odju ọgangan rhi vwo dju, uwevwin ra bọn phiyọ enu rẹ oragha na sheri-i, ẹkẹvuọvo ọrẹ a bọn phiyọ enu rẹ ekpẹn na de she guọghọ kufia. Jesu da tanẹ kohwo kohwo ro nyo eta rọyen, o de ru ayen, họhọ ọvwaghwanre ohwo na rọ bọn uwevwin rọyen phiyọ enu rẹ oragha. Ẹkẹvuọvo, ihwo ri nyo eta rọyen e rha vwẹ ayen ruiruo-o, họhọ ẹkpa rẹ ohwo yena rọ bọn uwevwin rọyen phiyọ enu rẹ ekpẹn. Oka rẹ ohwo vọ wọ guọnọ dia?​—Matiu 7:24-27.

 Omaẹvwọkpahotọ. Ọnana mudiaphiyọ wọ vwọ vuẹ Jihova vwẹ ẹrhovwo nẹ, wọ guọnọ ru ọhọre rọyen bẹdẹ. Siẹrẹ wo de ruẹ ọhọre rẹ Ọghẹnẹ, ju wo djephia nẹ wẹwẹ odibo ri Jesu Kristi.​—Matiu 11:29.

Omaebrophiyame. ‘Bromaphiyame, wọ hworẹ imwemwu wẹn kufia, re wo se odẹ rọyen.’​—Iruo 22:16.

Vwobọ vwẹ ẹga rẹ Ọghẹnẹ vọnvọn. “Kemu kemu we ruẹ ejobi wan vwẹ udu esiri ru ayen, kirobo ru we ruẹ kẹ Ọrovwohwo ọ dia ohwo rẹ akpọ we ru ayen kẹ-ẹ.”​—Kọlose 3:23.