Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Wọ sa Dia Ugbeyan rẹ Ọghẹnẹ!

 UYONO 7

Orhọn-esio Vwo nẹ Obo re Phiare Vwẹ Awanre Rhe

Orhọn-esio Vwo nẹ Obo re Phiare Vwẹ Awanre Rhe

Jihova cha vwẹ uphẹn kẹ iruimwemwu nẹ ayen miovwẹn Paradaisi-i. Igbeyan rọyen yen cha dia akpọ na. Die yin cha phia kẹ iruimwemwu? Rere a vwọ mrẹ ẹkpahọnphiyọ rẹ onọ na, e jẹ avwanre gbikun rẹ obo re phia kẹ Noa. Noa yerin omarẹ ẹgbukpe uriorin buebun re wanre. Noa omamọ ohwo rọ davwẹngba ro vwo ru ọhọre ri Jihova ọkieje. Ẹkẹvuọvo, ihwoefa vwẹ akpọ na ruẹ obo re brare. Ọtiọyena, Jihova da vuẹ Noa nẹ Ọ cha vwẹ oghwe ghwọrọ umwemwu na. Ọghẹnẹ da vuẹ nẹ ọ bọn okọ rere ọ vẹ orua rọyen se sivwin ọke rẹ Oghwe na da rhe.​—Jẹnẹsis 6:9-18.

Noa vẹ orua rọyen bọn okọ na. Noa si ihwo orhọn nẹ Oghwe na cha, ẹkẹvuọvo ayen kerhọ ri Noa-a. Ayen rhọvwen dobọ rẹ umiovwon ji-i. Ọke ri Noa vwọ bọn okọ na nu, o de mu eranvwe sansan phiyọ okọ na, Noa vẹ orua rọyen da ro evunrẹ okọ na. Jihova da vwẹ odju rode vwọ rhe. Osio da rhọ ẹdẹ 40 vẹ ason 40. Ame na de ku akpọ na ejobi.​—Jẹnẹsis 7:7-12.

 Ihwo umwemwu na ghwuru, ẹkẹvuọvo Noa vẹ orua rọyen sivwin rhọ. Jihova sivwin ayen vwo nẹ Oghwe na vwọ ruẹ akpọ rẹ umwemwu epha-a. (Jẹnẹsis 7:22, 23) Baibol na tare nẹ ọke rhoma cha ri Jihova cha vwọ ghwọrọ ihwo re rhọvwen ru obo ri yovwinri-in. A cha ghwọrọ omamọ rẹ ihwo-o. Ayen cha dia evunrẹ Paradaisi vwẹ otọrakpọ na bẹdẹ.​—2 Pita 2:5, 6, 9.

Ihwo buebun ruẹ obo re brara nonẹna. Okpetu vọn akpọ na. Jihova ji Iseri rọyen abọ buebun nẹ ayen re si ihwo umwemwu na orhọn, dede na, ihwo buebun guọnọ kerhọ rẹ ota ri Jihova-a. Ayen guọnọ wene iruemu raye-en. Ayen guọnọ rhiabọ reyọ obo rẹ Ọghẹnẹ tare kpahen erhuvwu vẹ umiovwio-on. Die yen cha phia kẹ iruimwemwu rẹ ihwo nana? Ayen che siobọnu umwemwu rayen? Buebun che se siobọnu umwemwu raye-en. Ọke cha rẹ a cha vwọ ghwọrọ ihwo umwemwu, ayen gbe cha dia ọfa-a.​—Une Rẹ Ejiro 92:7.

A cha ghwọrọ akpọ na-a; e che ruo phiyọ Paradaisi. Igbeyan rẹ Ọghẹnẹ yen cha dia otọrakpọ na bẹdẹ bẹdẹ vwẹ Paradaisi.​—Une Rẹ Ejiro 37:29.