Ugbeyan rẹ ovwan savwọ gan phiyọ, ọ guọnọ otaẹtakuẹgbe. Wọ kerhọ rọyen, ọ je kerhọ wẹn. Wọ je ta omamọ rẹ eta kpahen ugbeyan wẹn kẹ ihwoefa. Ọtiọyen ọ jepha ravwọ dia ugbeyan rẹ Ọghẹnẹ. Roro kpahen obo ri Baibol na tare:

Nene Jihova tota ọkieje womarẹ ẹrhovwo. “Wo gbe ẹdẹ rẹ ẹrhovwo-o.”​—Rom 12:12.

Se Ota rẹ Ọghẹnẹ, Baibol na. ‘Ọbe ọfuanfon na ejobi rẹ Ọghẹnẹ kpare ẹwẹn rẹ ihwo vwo si, ọ vọnre vẹ erere kẹ uyono, ẹghwọkuo, ẹrhuẹrẹ phihọ.’​—2 Timoti 3:16.

Yono ihwoefa kpahen Ọghẹnẹ. “Ọvwan gba yanran re we re yono ihwo rẹ akpọ na ejobi, . . . we yono ayen vwọ riẹn otọ rẹ imu na ejobi re dje kẹ ovwan na.”​—Matiu 28:19, 20.

 Sikẹre igbeyan rẹ Ọghẹnẹ. “Ohwo rọ yan nene evwaghwanre ko vwo aghwanre.”​—Isẹ 13:20.

Kpẹ uyono vwẹ Ọguan Ruvie. “E gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri, . . . e bru ohwohwo uche.”​—Hibru 10:24, 25.

Toroba obaro-ẹra rẹ owian rẹ Uvie na. “Ohwo ọvuọvo mi ru kirobo rẹ udu rọyen dje kẹ, ọ dia ọ rẹ iguegu-u, eyẹ ẹgbahọ-ọ, kidie Ọghẹnẹ guọnọ okẹ rẹ ivun avwerhe.”​—2 Kọrẹnt 9:7.