Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

Iseri ri Jihova

Sane ejajẹ Urhobo

 UYONO 12

Die Yen Phia Vwẹ Ughwu?

Die Yen Phia Vwẹ Ughwu?

Ughwu ọyen ẹdia ri jẹ arhọ evwo. Ughwu họhọ ovwerhẹn okokodo. (Jọn 11:11-14) Ihwo ri ghwu re nyo emu vuọvo-o, ayen mrorẹ-ẹ, ayen tota-a, ayen ji roro emu vuọvo-o. (Aghwoghwo 9:5, 10) Ẹga rẹ ofian yono nẹ ihwo ri ghwu re kpẹ akpọ ọfa de re nene esẹ ride rayen ri ghwu re yerẹn. Ọnana dia obo ri Baibol na yonori-i.

Ihwo ri ghwu re cha sa vwẹ ukẹcha kẹ avwanre-e, yẹrẹ kon avwanre oma-a. Ọke buebun yẹn ihwo vwo ze izobo fikiridie nẹ ayen vwo imuẹro nẹ izobo na cha nẹrhẹ oma vwerhen ihwo ri ghwuru na. Uyono nana miovwon Ọghẹnẹ ivun, kiridie ọyẹn ofian rẹ Eshu vwọ phiẹn ihwo. Uruemu nana cha sa vwerhen ihwo ri ghwuru na ivu-un, kiridie arhọ rhe aye-en. Avwanre djoshọ rẹ ihwo ri ghwuru, yẹrẹ vwẹ ẹga kẹ aye-en. Ọghẹnẹ ọvo ọyẹn avwanre ga.​—Matiu 4:10.

Ihwo ri ghwuru cha rhoma dia. Jihova cha kpare ihwo ri ghwuru na vwo nẹ ushi rhe paradaisi. Ọke yena jehẹ obaro. (Jọn 5:28, 29; Iruo 24:15) Ọghẹnẹ sa kpare ihwo ri ghwuru vrẹn, kirobo ra rhọvwọn ohwo rọ vwerhẹn nẹ ovwerhẹn.​—Mak 5:22, 23, 41, 42.

Uyono nẹ ohworakpọ ghwẹ-ẹ na, ọyen ofian rẹ Eshu rọ diẹ Idẹbono na hra ruẹ asan ejobi. Eshu vẹ emekashe rọyen nẹrhẹ ihwo roro nẹ siẹrẹ ihwo de ghwu nu, ayen ki kpẹ asan ọfa de re yerin, kẹ ayen so ọga vẹ umiovwon efa. Ọkeọvo, Eshu vwẹ evwerhẹn vẹ emramrẹ vwọ phiẹn ihwo. Jihova cha ghwọrọ ihwo ri nene ihwo ri ghwuru tota.​—Urhi Rivẹ 18:10-12.