Pho kpẹ obo revun rọyen

Ojaẹriọ Che Ghine Vwoba?

Ojaẹriọ Che Ghine Vwoba?

Wọ ta nẹ . . .

  • e?

  • ẹjo?

  • ọkiọvo?

 OBO RI BAIBOL NA TARE

‛Ọghẹnẹ . . . che ririe ameoviẹ nẹ ẹro rayen, ughwu, omaemuohọ, oviẹ, yẹrẹ odjadja rha cha dia ọfa-a.’—Ẹvwọphia 21:3, 4, Baibol Ofuanfon Na.

OBO RẸ ỌYENA SE MUDIAPHIYỌ KẸ WẸ

Imwẹrọ tanẹ ọ dia Ọghẹnẹ yen sua ebẹnbẹn ravwanre-e.—Jems 1:13.

Udu ravwanre totọ ravwọ riẹn tanẹ Ọghẹnẹ roro kẹ avwanre siẹrẹ avwanre da rioja.—Zẹkaraya 2:8.

Iphiẹrophiyọ tanẹ ojaẹriọ ejobi che vwoba.—Une Rẹ Ejiro 37:9-11.

 AVWANRE GHINE SE SE OBO RI BAIBOL NA TARE GBUYOTA?

E, fikirẹ iroro ivẹ siẹrẹ e da hanvwen:

  • Ọghẹnẹ vwo utuoma kpahen ojaẹriọ kugbe oshenyẹ. Roro kpahen obo rọ da Jihova Ọghẹnẹ te revwo shenyẹ ihwo rọyen vwẹ ọke rawanre. Baibol na da ta nẹ ọ miavwerọ oma fikirẹ “oshenyẹ rẹ ihwo ri mu kpahen ayen.”—Iguẹdjọ 2:18, Baibol Ofuanfon Na.

    Ọghẹnẹ vwo utuoma kpahen otu re so omẹwan kẹ ihwoefa. Kerẹ udje, Baibol na tare nẹ “abọ ri sun ọbara ekueku” emu ẹgua kẹ.—Isẹ 6:16, 17.

  • Ọghẹnẹ vwo ọdavwẹ kpahen avwanre ohwo ọvuọvo. Ọ diẹ ihworakpọ ọvo yen ‘riẹn dohwo dobo ri kpokpo vẹ ọdavwẹ rọye-en’ ẹkẹvuọvo Jihova je riẹn!—2 Ikun Rivie 6:29, 30.

Womarẹ Uvie rọyen, Jihova che phi oba phiyẹ ojaẹriọ rẹ ohwo ọvuọvo kẹrẹkpẹ. (Matiu 6:9, 10) Yẹn asaọkiephana, ọ vwẹ uchebro re bọrọbọrọ kẹ ihwo re guọnọ vẹ ẹwẹn ruyota.—Iruo Rẹ Iyinkọn na 17:27; 2 Kọrẹnt 1:3, 4.

 OBO RE RORO KPAHEN

Diesorọ Ọghẹnẹ vwọ fọ kẹ ojaẹriọ?

Baibol na kpahenphiyọ onọ yena vwẹ ROM 5:12 kugbe 2 PITA 3:9.