Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

Iseri ri Jihova

Sane ejajẹ Urhobo

 UYONO 19

Ono Yen Odibo rọ Fuevun rọ je Ghwanre Na?

Ono Yen Odibo rọ Fuevun rọ je Ghwanre Na?

Avwanre mrẹ erere vwo nẹ Ota rẹ Ọghẹnẹ re vwo yono avwanre

Ọmọke krẹn Jesu ki rhi ghwu, ọ vẹ Pita, Jems, Jọn, kugbe Andru tota vwẹ odjahọn. Ọke rẹ Jesu vwọ vuẹ ayen obo ri che dje phia nẹ ọyen rhire, ọ da vwẹ onọ nana phia: “Ono hẹ omamọ rẹ odibo esiri na, re ẹsiẹ rẹ ọrovworo da rhe o de vwo mu olori rẹ uwevwi rọyen, rọ da vwẹ emu kẹ ayen re vwẹ ọke yena?” (Matiu 24:3, 45; Mak 13:3, 4) Jesu rọ dia “ọrovworo” na, tare nẹ ọ cha vwẹ odibo vwo mu rọ cha vwẹ Ota rẹ Ọghẹnẹ vwo yono ihwo rọyen vwẹ ọke rẹ oba na. Ono yen cha dia odibo yena?

Ọyen ẹmẹko rẹ Inene-ri-Kristi ra vwẹ ẹwẹn ọfuanfon jẹreyọ. Ẹko Rọvwẹrote Iruo rẹ Iseri ri Jihova yen odibo nana nonẹna. Odibo nana vwẹ emu kẹ ihwo ri nene ayen ga Jihova. O muẹro nẹ odibo nana cha vwẹ “emuọre rayen kẹ ayen vwẹ ọke rọyen.”Luk 12:42.

Ọ vwẹrote evwruwevwin rẹ Ọghẹnẹ. (1 Timoti 3:15) Jesu vwẹ iruo rode kẹ odibo nana; kerẹ eyono rẹ ukoko na, ẹroevwote rẹ iruo aghwoghwo na kugbe erọnvwọn eje rẹ ukoko na vwori. ‘Odibo rọfuevun’ na kẹ avwanre emuọre womarẹ ẹbe vẹ erọnvwọn efa ravwọ phia vwẹ emẹvwa vẹ eghwẹkoko, rẹ avwanre vwo ruiruo rẹ aghwoghwo na kugbe uyono.

Odibo na fuevun kpahen iruo aghwoghwo na kugbe uyota ri Baibol na, ọ je ghwanre kidie ọ nabọ vwẹrote erọnvwọn eje ri kristi vwori vwẹ akpọ na. (Iruo 10:42) Jihova ku ebruphiyọ kuẹ ẹgbaẹdavwọn rọyen, kidie ihwo buebun kuẹrhẹriẹ cha ukoko na, erianriẹn ri Baibol na ji buẹnphiyọ.Aizaya 60:22; 65:13.

  • Ono yin Jesu vwo mu nẹ ọ ghẹrẹ idibo rọyen?

  • Idjerhe vọ yen odibo na vwọ fuevun, je ghwanre?