Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

Iseri ri Jihova

Sane ejajẹ Urhobo

 UYONO 27

Mavọ Yen Avwanre sa Vwọ Mrẹ Erere Vwo nẹ Ilaibri Rọhẹ Evunrẹ Ọguan Ruvie Na?

Mavọ Yen Avwanre sa Vwọ Mrẹ Erere Vwo nẹ Ilaibri Rọhẹ Evunrẹ Ọguan Ruvie Na?

Israel

Czech Republic

Benin

Cayman Islands

Wọ guọnọ ru ehiahiẹ evo rere erianriẹn ri Baibol wẹn se vwo kpobaro phiyọ? Wọ guọnọ riẹn otọ rẹ ẹkpo ri Baibol ọvo, yẹrẹ se kpahen ohwo, asan, yẹrẹ orọnvwọn ọvo re djunute vwẹ Baibol na? Gbanẹ wo vwo ẹwẹn ivivẹ sẹ Baibol na sa chọn wẹ uko vwo phi ebẹnbẹn wẹn kparobọ? Gbe kpẹ ilaibri rọhẹ evunrẹ Ọguan Ruvie na.

Erọnvwọn buebun herọ wo se vwo ru ehiahiẹ. Ọ sa dianẹ ọ diẹ ẹbe na eje rẹ Iseri ri Jihova fan kpẹ ejajẹ wẹn ọyen wo vwori-i. Ẹkẹvuọvo, wọ cha mrẹ ẹbe kpokpọ buebun vwevunrẹ ilaibri na. Wọ je sa mrẹ efanfan ri Baibol sansan, idishọnare vẹ ẹbe efa revwo ruẹ ehiahiẹ. Wọ sa ro ilaibri na tavwen uyono ke tonphiyọ yẹrẹ e de ru uyono nu. Ọkiọvo Watchtower Library sa dia evun rọyen. Watchtower Library ọyen iprogramu ro vwo ẹbe avwanre buebun, re ru  phiyọ ikọmputa; o ji vwo ona re ru phiyọ rọ nẹrhẹ a sa reyọ vwo ruẹ ehiahiẹ rẹ eta, iyovwinreta, yẹrẹ ẹkpo ri Baibol sansan.

Ọ vwẹ ukẹcha kẹ ihwo ri vwo eta vwẹ Isikuru rẹ Iruo Ruvie Na. Ọ da dianẹ wo vwobọ vwẹ Isikuru na, wọ sa vwẹ ẹbe rehẹ ilaibri na vwo muegbe rẹ ota wẹn. Oniruo rẹ Isikuru Ruvie na, ọyen vwẹrote ilaibri na. Ọyen phiẹ ẹbe kpokpọ phiyọ, je nabọ rhuẹrẹ ayen phiyọ. Oniruo na yẹrẹ ohwo ro yonuwe Baibol sa chọn wẹ uko vwọ riẹn asan rẹ evuẹ wọ guọnọre na hepha. Ẹkẹvuọvo, a reyọ ẹbe vuọvo nẹ Ọguan Ruvie na kpo-o. Ofori nẹ a nabọ vwẹrote ẹbe na, e ji si orọnvwọn vuọvo phiyọ aye-en.

Baibol na tare nẹ, avwanre ke sa “mrẹ erianriẹn rẹ Ọghẹnẹ,” avwanre ke hiẹ guọnọ “kerẹ idọnọ efuanfon.” (Isẹ 2:1-5) Wọ sa vwẹ ilaibri rọhẹ Ọguan Ruvie na vwọ ton ehiahiẹ na phiyọ.

  • Erọnvwọn revwo ruẹ ehiahiẹ vọ yen wọ sa mrẹ vwevunrẹ ilaibri rọhẹ Ọguan Ruvie na?

  • Ono yen sa chọn wẹ uko vwọ reyọ ilaibri na vwo ruiruo abavo?