Noa

Ebraham vẹ Sera

Mosis

Jesu Kristi

Ihwo buebun roro nẹ Iseri ri Jihova ọyen odẹ rẹ ẹga kpokpọ. Ẹkẹvuọvo, ọ vrẹ ikpe 2,700 re, rẹ Ọghẹnẹ uyota na vwo se idibo rọyen nẹ ayen “iseri” rọyen. (Aizaya 43:10-12) Tavwen a ke mrẹ ukpe ri 1931, a riẹn avwanre phiyọ Emọ-uyono ri Baibol. Diesorọ avwanre vwo wene odẹ avwanre kpẹ Iseri ri Jihova?

Ọ nẹrhẹ e vughe Ọghẹnẹ avwanre. Vwevunrẹ isiesi ri Baibol awanre, odẹ na, Jihova, vwomaphia abọ uriorin buebun. Vwevunrẹ efanfan buebun, a vwẹ edova kerẹ Ọrovwori yẹrẹ Ọghẹnẹ vwo wene. Ẹkẹvuọvo, Ọghẹnẹ rẹ uyota na dje oderhi rọyen, Jihova, kẹ Mosis, rọ vwọ ta: “Ọnana odẹ mẹ bẹdẹ.” (Eyanno 3:15) Vwẹ idjerhe nana kọyen ọ vwọ fẹnẹ oma rọyen nẹ eghẹnẹ efian eje. Oma vwerhen avwanre nẹ a vwẹ odẹ ọfuanfon rẹ Ọghẹnẹ vwo se avwanre.

Ọ nẹrhẹ a riẹn iruo avwanre. Vwo nẹ ọke ri Ebẹl rhe, ọyen a vwọ mrẹ ihwo buebun ri dje esegbuyota rayen phia kpahen Jihova. Vwẹ ikpe buebun rhire na, a mrẹ ihwo kerẹ Noa, Ebraham, Sera, Mosis, Devid, kugbe ihwoefa ri kuomakugbe vwọ dia “iseri buebun.” (Hibru 11:4–12:1) Kirobo re soseri vwẹ aguare vwọ kẹ ohwo re gun efian nyẹ, ọtiọyen avwanre je soseri rẹ uyota kpahen Ọghẹnẹ.

Avwanre vwẹrokere Jesu. Baibol na se Jesu, “oseri rẹ uyota.” (Ẹvwọphia 3:14) Jesu tare nẹ ọyen ‘dje odẹ rẹ Ọghẹnẹ kẹ ihwo,’ o ji “se oseri kẹ uyota” ro shekpahen Ọghẹnẹ. (Jọn 17:26; 18:37) Inene-ri-Kristi rẹ uyota je vwẹ odẹ ri Jihova vwọ yan, ayen ji ghwoghwo kẹ ihwoefa. Ọyen oborẹ Iseri ri Jihova ruẹ ọkieje.

  • Diesorọ Emọ-uyono ri Baibol na vwo wene odẹ rayen kpẹ Iseri ri Jihova?

  • Rhavwen ọke vọ yin Jihova vwo vwo iseri vwẹ akpọ na?

  • Ono yen Oseri ri Jihova rọ ma rho?