Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Obo Wo Se Yono Vwẹ Baibol Na

 UYOVWINROTA 53

Uduefiogbere rẹ Jehoyada

Uduefiogbere rẹ Jehoyada

Jẹzibẹl vwo ọmọtẹ ọvo re se Atalaya. Ọvumwemwu yen o ruẹ kerẹ oni rọyen. Atalaya, ọyen aye rẹ ovie rẹ Juda. Ọke rẹ ọshare rọyen vwo ghwu, ọmọshare rọyen da ton usuon phiyọ. Ẹkẹvuọvo, ọke rẹ ọmọ na vwo ghwu, Atalaya da vwẹ oma rọyen vwo ru osun rẹ Juda. Ọ da davwẹngba ro vwo hwe kohwo kohwo rọ rha dia ovie ukperẹ ọyen, tobọ ji te ivwrọmọ rọyen. Ihwo eje ke djoshọ rọyen.

Orherẹn Rode re se Jehoyada vẹ aye rọyen Jehosheba riẹnre nẹ oborẹ Atalaya ruẹ na brare mamọ. Ayen de phi arhọ rayen phiyọ imuoshọ ọke rẹ ayen vwo si uvwrọmọ rẹ Atalaya ọvo nu, re se Joash. Ayen da ghẹrẹ vwẹ uwevwin ẹga na.

Ọke rẹ Joash vwọ hẹ ẹgbukpe ighwrẹn, Jehoyada de koko isun na vẹ ihwo rẹ Livae, ọ da vuẹ ayen: ‘Ovwan mudia anurhoro rẹ uwevwin ẹga na, e jẹ ohwo vuọvo ro uwevwin na-a.’ Ọtiọyena, Jehoyada da vwẹ Joash mu ovie rẹ Juda, o de ku erhu rẹ ovie phiyọ uyovwin rọyen. Ihwo rẹ Juda de kperi: ‘E jẹ ovie na sun tọn!’

Atalaya vwo nyo edo rẹ ihwo na ọ da djẹ kpo uwevwin ẹga na. Ọ vwọ mrẹ ovie kpokpọ na, o de kperi: “Ivwiẹ yo! Ivwiẹ yo!” Isun na de muo yanran re hwe. Ẹkẹvuọvo, orharhe uruemu rọyen na ji ghworo ihwo buebun vwẹ orere na.

Jehoyada da vwẹ ukẹcha kẹ ihwo na vwo nene Jihova re ọphọ nẹ ọyen ọvo yen ayen cha ga. Jehoyada da vuẹ ayen nẹ ayen guọghọ uwevwin ra bọn kẹ Baal na kugbe edjọ na ejobi. Ọ da vwẹ  owian kẹ irherẹn vẹ ihwo rẹ Livae na rere ihwo na sa vwọ rhoma rhe ga Jihova vwẹ etiyin. Ọ vwẹ ihwo vwo mu re rhẹrẹ uwevwin ẹga na rere ohwo ro jẹ ẹfuọn se vwo jẹ uwevwin ẹga na ẹruọ. Jehoyada vẹ ilori na da vwẹ Joash vwo chidia agbara rẹ ovie na. Ihwo rẹ Juda ke ghọghọ. Ayen sa ga Jihova asaọkiephana, ayen nẹ otọ rẹ Atalaya vẹ ẹga rẹ Baal re. Wọ mrẹ oborẹ uduefiogbere rẹ Jehoyada chọn ihwo buebun uko?

“Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.”​—Matiu 10:28