Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Obo Wo Se Yono Vwẹ Baibol Na

Ọdjẹkoko rẹ Ẹbẹre 6

Ọdjẹkoko rẹ Ẹbẹre 6

Ihwo rẹ Izrẹl vwọ ro Otọ rẹ Ive na nu, itabanako na kọyen ayen da ga Jihova. Iguẹdjọ keyen suẹn ihwo na, irherẹn keyen rha vwẹ Urhi rẹ Ọghẹnẹ vwo yono ayen. Ẹbẹre nana che djekpahen oborẹ orhiẹn-ebro vẹ uruemu rẹ ohwo se vwo djobọte ihwo efa. Ihwo rẹ Izrẹl vwẹ oghwa rẹ ayen ọvuọvo vwo vwo ẹguọnọ rẹ Jihova kugbe irivẹ rayen. Dje oborẹ uruemu rẹ Dẹbora, Naomi, Joshua, Hanah, ọmọtẹ rẹ Jefta, kugbe Samuẹl djobọte ihwo re dia kẹrẹ ayen. Karunumuo nẹ dede nẹ ihwo kerẹ Rehab, Rutu, Jaẹl, kugbe ihwo rẹ Gibeọn dia ihwo rẹ Izrẹ-ẹl, jẹ ayen brorhiẹn nẹ ayen cha ka ẹbẹre rẹ ihwo rẹ Izrẹl, kidie ayen riẹnre nẹ Ọghẹnẹ vẹ ayen herọ.

E REHẸ ẸBẸRE NANA

UYOVWINROTA 29

Jihova Sane Joshua

Ọghẹnẹ vwẹ uchebro vwọ kẹ Joshua, uchebro nana je sa chọn avwanre uko nonẹna.

UYOVWINROTA 30

Rehab Si Eshare na Nu

Igbehẹ rẹ Jẹriko guọghọ totọ. Ẹkẹvuọvo, emu vuọvo ru uwevwin rẹ Rehab rọhẹ orhoma rẹ igbẹhẹ na-a.

UYOVWINROTA 31

Joshua vẹ Ihwo rẹ Gibeọn

Joshua nẹrhovwo rhe Ọghẹnẹ: “Ọnre mudia gbiei!” Ọghẹnẹ kpahenphiyọ?

UYOVWINROTA 32

Osun Kpokpọ vẹ Eya Ivẹ ri Fiudugberi

Joshua vwo ghwu nu, ihwo rẹ Izrẹl ke ga edjọ. Akpeyeren da rhe gan vwọ kẹ ayen, ẹkẹvuọvo ayen mrẹ ukẹcha womarẹ Oguẹdjọ Barak, Dẹbora rọ dia ọmraro, kugbe Jael vẹ ubibẹ rọyen!

UYOVWINROTA 33

Rutu vẹ Naomi

Eya ivẹ rẹ eshare rayen ghwure rhivwin kpo Izrẹl. Ọvo usun rayen re se Rutu, kpo aghwa ra wiowian, Boaz de noso.

UYOVWINROTA 34

Gidiọn Phi Ihwo rẹ Midian Kparobọ

Ihwo rẹ Midian na vwo gboja kẹ ihwo rẹ Izrẹl na mamọ re, ihwo rẹ Izrẹl na da rẹ Jihova nẹ ọ chọn ayen uko. Idjerhe vọ yen isodje rẹ Gidiọn re pha tutuno na vwo phi isodje 135,000 rẹ Midian kparobọ?

UYOVWINROTA 35

Hanah Nẹrhovwo Vwọ kẹ Ọmọshare

Elkanah reyọ Hanah, Peninnah, kugbe emọ na kpo uwevwin ẹga rọhẹ Shiloh. Oboyin yen Hanah da nẹrhovwo vwọ kẹ ọmọshare. O te ẹgbukpe ọvo-o, o de vwiẹ Samuẹl!

UYOVWINROTA 36

Ive rẹ Jẹfta

Die yen Jẹfta veri, kẹ diesorọ? Die yen ọmọtẹ rẹ Jẹfta ru kpahen ive rẹ ọsẹ rọyen na?

UYOVWINROTA 37

Jihova Ta Ota kẹ Samuẹl

Eli rọ dia Orherẹn Rode vwo emeshare ivẹ re je dia irherẹn vwẹ uwevwin ẹga na, ẹkẹvuọvo emọ na yọnrọn irhi rẹ Ọghẹnẹ-ẹ. Samuẹl rọ dia omotete vwẹrokere aye-en, Jihova da ta ota kẹ.

UYOVWINROTA 38

Jihova Vwẹ Ẹgba kẹ Samsin

Ọghẹnẹ vwẹ ẹgba kẹ Samsin rere ọ sa vwọ họnre ihwo rẹ Filistia na, ẹkẹvuọvo Samsin vwo brorhiẹn ọchọchọ, ihwo rẹ Filistia na de muo.