Emeranvwe ivẹ rẹ ihwo rẹ Izrẹl vwọ wan Abadi Ọvwavware na nu, ayen de rhi te Ugbenu rẹ Sinai. Vwẹ etiyin, Jihova de nene ayen re ọphọ rẹ ayen vwọ dia ihwo oghẹresan rọyen. Ọ sẹro rayen je kẹ ayen oborẹ ayen guọnọre eje; imana rẹ ayen re, asan ro fuoma rẹ ayen dia, iwun rayen je bẹre-e. Wọ da dia ọmiọvwọn, vwẹ ukẹcha kẹ ọmọ wẹn vwọ mrẹ oboresorọ Jihova vwọ vwẹ Urhi na, itabanako na, kugbe irherẹn vwọ kẹ ihwo rẹ Izrẹl. Kanrunumu obo rọ ghanre te re vwo ru oborẹ ohwo tare, ra vwọ vwomakpotọ, je fuevun kẹ Jihova ọkieje.