Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 UYONO 102

Emramrẹ re Dje kẹ Jọn

Emramrẹ re Dje kẹ Jọn

Ọke rẹ ọyinkọn Jọn vwọ hẹ uwodi vwẹ orere ame riariẹ phiyọ re se Patmọs, Jesu de dje emramrẹ yẹrẹ uhoho 16 rẹ obo re cha phia vwẹ obaro na vwọ kẹ. Emramrẹ na dje oborẹ Jihova che ru odẹ rọyen fon wan, oborẹ Uvie rọyen cha rhe wan kugbe oborẹ ọhọre rọyen che rugba wan vwẹ akpọ na kirobo rọ hepha vwẹ odjuvwu.

Vwẹ emramrẹ ọvo, Jọn da mrẹ Jihova vwẹ ekete rọyen obo odjuvwu, ekpako 24 chidia riariẹ vẹ iwun efuanfon ayen ku phiyọ kugbe erhu oro ayen vwo tughẹ. Enu kọ nyavwaro nẹ ekete na cha, kugbe edo rẹ agbraran. Ekpako 24 na de shiguẹ totọ ga Jihova. Vwẹ emramrẹ ọfa, Jọn da mrẹ otu gbidigbidi re ga Jihova ri nẹ ẹkuotọ ejobi vẹ ephẹrẹ eje rhe. Jesu, rọ diẹ Omogodẹ na, de sun ayen ra da ame rẹ arhọ na. Vwẹ emramrẹ ọfa, Jesu vẹ ekpako 24 na da ton usuon phiyọ vwẹ obo odjuvwu. Vwẹ emramrẹ rọ vwọ kpahọn, Jọn da mrẹ Jesu ro nene okpodje na họnra, rọ diẹ Eshu vẹ emekashe rọyen. Jesu da djẹ nẹ odjuvwu rhe otọrakpọ na.

 Jọn da mrẹ uhoho oyoyovwin rẹ Omogodẹ na vẹ ihwo 144,000 ri mudia enu rẹ Ugbenu rẹ Zayọn. Ọ je mrẹ amakashe ọvo rọ rhan riariẹ akpọ na rọ vwọ vuẹ ihwo nẹ ayen djoshọ rẹ Ọghẹnẹ ji vwẹ urinrin kẹ.

Vwẹ emramrẹ rọ vwọ kpahọn, e de phi ofovwin rẹ Amagidọn. Vwẹ ofovwin na, Jesu vẹ isodje rọyen da ghwọrọ eyeren rẹ umwemwu rẹ Eshu. Vwẹ emramrẹ rọ koba, Jọn da mrẹ obọdẹn rẹ oyerinkugbe vwẹ odjuvwu vẹ otọrakpọ. A ghwọrọ Eshu vẹ ihwo rọyen eje riẹriẹriẹ nure. Kohwo kohwo vwẹ odjuvwu vẹ otọrakpọ ko muọghọ kẹ odẹ ọfuanfon rẹ Jihova ji vwẹ ẹga vwọ kẹ.

“Ki mi phi eghrẹ phiyọ uvwre wẹn vẹ ọ rẹ aye na, Te uvwre rẹ emọ wẹn vẹ ere aye na; kọ ghwiẹ wẹ uyovwi, ku wọ rhovwọ uchukowọ.”​—Jẹnẹsis 3:15