Jihova yen Ovie rẹ akpọeje. Ọyen vwo kemu kemu, ọyen je vwẹrote erọnvwọn eje. Kerẹ udje, o sivwin Jerimaya nẹ ukpotọ rẹ ughwu. O sivwin Shadrak, Meshak vẹ Abẹdnigo vwo nẹ ogidi erhanre, o de ji sivwin Daniẹl nẹ unu rẹ ikpohrokpo. Jihova sẹro rẹ Ẹsta rere o se vwo sivwin orere rọyen. Ọ cha vwẹ uphẹn kẹ umwemwu nẹ ọ dia bẹdẹ-ẹ. Aroẹmrẹ ro shekpahen oma rode vẹ urhe rode na kẹ avwanre imuẹro nẹ Uvie rẹ Jihova che si umwemwu ejobi no kẹrẹkpẹ, ko che sun otọrakpọ na.