Pho kpẹ obo revun rọyen

Pho kpẹ mẹnu rivẹ

Pho kpẹ ẹrhuẹrẹhọ robo rehẹ evun rọyen

Iseri ri Jihova

Urhobo

Kerhọ rẹ Ọghẹnẹ Rere Wọ Dia Bẹdẹ

 ẸBẸRE 9

Ọke Vọ Paradais Cha Vwọ Rhe?

Ọke Vọ Paradais Cha Vwọ Rhe?

Ikpetu reherọ vwẹ otọrakpọ na djerephia tanẹ Uvie r’Ọghẹnẹ cha rhe kẹrẹkpẹ. Luk 21:10, 11; 2 Timoti 3:1-5

Baibol na tarọ jovwo erọvwọn buebun re phia nonẹna. Ọ tarọ nẹ ihwo che vwo ẹguọnọ r’igho, j’ọghọ emuo kẹ esẹn vẹ ini, omaẹdja, kugbe ẹguọnọ r’akpẹriọ.

Etọ ri che shu rhuarho, ifovwin, ọkanrovwẹn r’emu, kugbe ega ri che bun phiyọ ke cha dia. Erọvwọn nana phia asaọkiephana.

Jesu je ta, tanẹ e che ghwoghwo ikun esiri rẹ Uvie na vwẹ otọrakpọ na ejobi.Matiu 24:14.

 Uvie na che si umwemwu ejobi no. 2 Pita 3:13

Jihova cha ghwọrọ iruimwemwu ejobi kẹrẹkpẹ.

A cha vwẹ oja re Eshu kugbe emekashe rọyen.

Otu re kerhọ rẹ Ọghẹnẹ che sivwin rhọ kpẹ akpọ ọkpokpọ ọphiọnphiọn, rẹ oshọ kanre, akpọ rẹ ihwo da cha vwẹroso ohwohwo vwo ẹguọnọ kpahen ohwohwo.