Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

Iseri ri Jihova

Sane ejajẹ Urhobo

 UYONO 11

Idjerhe Vọ Yẹn Irhi rẹ Ọghẹnẹ Vwọ Dia Erere kẹ Avwanre?

Idjerhe Vọ Yẹn Irhi rẹ Ọghẹnẹ Vwọ Dia Erere kẹ Avwanre?

1. Diesorọ avwanre ihworakpọ vwọ guọnọ odjekẹ?

Mavọ yin Baibol na sa vwọ chọn avwanre uko vwọ kẹnoma kẹ erọnvwọn re sa so omaẹwan?​—⁠UNE RẸ EJIRO 36:⁠9.

Ọmemama ravwanre ghwanre nẹ avwanre. Kerẹ Ọsẹ ro vwo ẹguọnọ, o vwo ọdavwẹ ravwanre. Ọ diẹ ọ ma avwanre rere avwanre vwo sun omobọ ravwanre-e. (Jerimaya 10:23) Ọtiobo rẹ imitete guọnọ odjekẹ rẹ esẹ vẹ ini, ọtiọyen avwanre je guọnọ odjekẹ rẹ Ọghẹnẹ. (Aizaya 48:​17, 18) Irhi ri Baibol kẹ avwanre odjekẹ ro nobọ rẹ Ọghẹnẹ rhe. Odjekẹ nana okẹ ro nobọ rẹ Ọghẹnẹ rhe.​—Se 2 Timoti 3:​16.

Jihova vwẹ irhi rọyen yono avwanre idjerhe rẹ akpeyeren ro me yovwin. O ji dje obo rẹ avwanre sa vwọ dia bẹdẹ bẹdẹ vwẹ akpọ rẹ omavwerhovwẹn. Ọghẹnẹ fo ohwo ro sun avwanre keridie ọyen ma avwanre. Ko fori nẹ avwanre nene odjekẹ rọyen.​—Se Une Rẹ Ejiro 19:​7, 11; Ẹvwọphia 4:​11.

2. Idjerhe vọ yẹn Ota rẹ Ọghẹnẹ vwo sun avwanre?

Asan evo vwẹ Biabol na dje obo rẹ Ọghẹnẹ guọnọre nẹ avwanre ru vwẹ ẹdia sansan. Asan efa de rhe vwo irhi rẹ avwanre ru nene vwẹ ẹdia efa. (Urhi Rivẹ 22:⁠8) Avwanre da reyọ ẹgba rẹ iroro ravwanre vwo ruiruo, kẹ avwanre se vwo ẹruọ robo ri Baibol na tare nẹ e ru. (Isẹ 2:​10-​12) Kerẹ udje, avwanre da karophiyọ nẹ, arhọ ọyen okẹ ọghanghanre ro nẹ obọ ri Jihova rhe, avwanre rhe che phi arhọ ravwanre vẹ ọrẹ ihwoefa phiyẹ ẹdia rẹ imwoshọ-ọ.​—Se Iruo Rẹ Iyinkọn na 17:28.

3. Irhi ivẹ vọ yen ma ghanre?

Jesu djunute irhi ivẹ re ma ghanre kparobọ. Ọ rẹsosuọ dje oboresorọ Ọghẹnẹ vwọ ma ohworakpọ​​—⁠rere ohworakpọ vwọ riẹn, vwo ẹguọnọ rọyen, je fuevun ga. Ko fori nẹ avwanre roro kpahen ọnana ọkieje  tavwen avwanre ki brorhiẹn. (Isẹ 3:⁠6) Ihwo ri ru nene urhi nana yen dia igbeyan rẹ Ọghẹnẹ. Uvi rẹ omavwerhovwẹn kugbe arhọ ri bẹdẹ je herọ kẹ ayen.​—Se Matiu 22:​36-​38.

Urhi rivẹ na sa nẹrhẹ avwanre vẹ ihwoefa yerin kugbe vwọrẹ ufuoma. (1  Kọrẹnt 13:​4-7) Siẹrẹ avwanre de ruẹ nene urhi nana, jẹ avwanre vwẹrokere Ọghẹnẹ vwẹ oborẹ ọ vẹ ihwo yerẹn wan.​—Se Matiu 7:​12; 22:​39, 40.

4. Idjerhe vọ yẹn Irhi rẹ Ọghẹnẹ vwọ dia erere kẹ avwanre?

Irhi rẹ Ọghẹnẹ yono orua obo rẹ ayen se vwo yerin kugbe vwọrẹ ẹguọnọ. (Kọlose 3:​12-​14) Ota rẹ Ọghẹnẹ ji yono nẹ orọnvwe dia ọrẹ rhirin rhirin. Ọnana ochọnvwe vwọkẹ korua korua.​—Se Jẹnẹsis 2:​24.

Siẹrẹ avwanre de ruẹ nene irhi ri Baibol na, ọyena cha chọn avwanre uko vwọ vwẹrote ugboma ravwanre. Ọyena je cha nẹrhẹ oma fu avwanre. Kerẹ udje, ihwo rẹ uyota ri ji fuevun ruiruo, yẹn ihwo ri vwo iruo ma guọnọ reyọ vwọ wian. (Isẹ 10:​4, 26; Hibru 13:18) Baibol na je vuẹ avwanre nẹ, oyerinkugbe rẹ avwanre vẹ Ọghẹnẹ vwori dia obo re ma ghanre vwẹ akpeyeren ravwanre, rere avwanre ji vwo ẹwẹn rẹ otekẹvwẹ.​—Se Matiu 6:​24, 25, 33; 1 Timoti 6:​8-​10.

Avwanre da yan nene Irhi rẹ Ọghẹnẹ, ọ cha nẹrhẹ avwanre vwo oma kpokpọ. (Isẹ 14:30; 22:​24, 25) Kerẹ udje, urhi rẹ Ọghẹnẹ tare nẹ a da udi vroma-a. Ohwo da yọnrọn urhi yena, kọ vrabọ rẹ ega vẹ omaẹwan ri kpregede ri se nẹ udi ra da vroma cha. (Isẹ 23:20) Jihova rhọnvwere nẹ avwanre da emerha rẹ udi. (Une Rẹ Ejiro 104:15; 1 Kọrẹnt 6:​10) Revwo nene urhi rẹ Ọghẹnẹ vọnre vẹ erere, keridie o yono ohwo obo re sun oma vẹ iroro rọyen. (Une Rẹ Ejiro 119:​97-​100) Ọ ghwa dia fikirẹ erhuvwu romobọ rayen ọvo ọyẹn Inene-ri-Kristi rẹ uyota vwo ruẹ obo rẹ Ọghẹnẹ guọnọ mie aye-en, ẹkẹvuọvo ayen ruo fikirẹ ọghọ rẹ ayen vwo vwọkẹ Ọghẹnẹ.​—Se Matiu 5:​14-​16.