Pho kpẹ obo revun rọyen

Pho kpẹ ẹrhuẹrẹhọ robo rehẹ evun rọyen

 UYONO 15

Ta Ota vẹ Imuẹro

Ta Ota vẹ Imuẹro

1 Tẹsalonaika 1:5

ỌDJẸKOKO: Djephia nẹ wo vwo imuẹro kpahen obo wọ ta na, ọ je pha ghanghanre.

OBO RE CHE RUO WAN:

  • Nabọ muegbe. Nabo fuẹrẹn ota wẹn na wo se vwo vwo ẹruọ rẹ oborẹ Baibol na dje ẹkpo eghanghanre re herọ fiotọ. Davwẹngba wọ vwẹ eta elọlọhọ vwo dje ẹkpo eghanghanre na phia. Tẹnrovi oborẹ ẹkpo na sa vwọ vwẹ ukẹcha kẹ ihwo wọ ta ota kẹ na. Yare ukẹcha rẹ ẹwẹn ọfuanfon na.

  • Vwẹ eta rẹ imuẹro vwo ruiruo. Ukperẹ wo di vwo se eta rehẹ ọbe, reyọ eta romobọ wẹn vwọ ta ota. Jẹ eta wo che vwo ruiruo djephia nẹ wo vwo imuẹro kpahen obo wọ ta na.

  • Ta ota na vẹ ẹwẹn wẹn eje. Ta ota na phia e se vwo nyo obo wọ ta. Ni opharo rẹ ihwo wọ ta ota kẹ na siẹrẹ o de shephiyọ vwẹ ekogho wẹn.